ون بن جدلان شيلة بصوت الشبرمي
 

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ون أبن جدلان من لايعٍ لاعه=كن في كبدي دوافير صناعي
ألعب المنكوس وأحب روباعه=مملٍ في الوقت والوقت خداعي
مادريت أن ضحكة الوقت خداعه=شفت مدخالي ولاشفت مطلاعي
لابغيت أسج والا انبسط ساعه=دق قلبي من وراء حدب الأضلاعي
كن من بين الضلوع آلة طباعة=تشتغل لانمت وأقوم مرتاعي
هم قلبي مايفرق تجمَاعه=غير جر الصوت والناس هجاعي
فاقدٍ لي سلعةٍ وأكبر أبضاعه=سلعةٍ تشراء ولاهيب تنباعي
رفقة الطيب ليا غير أطباعه=أشهد أنها كيةٍ توجع أوجاعي
راكب إلي صممه صاحب أصناعه=جمس بيك أب من حديثات الأنواعي
الغريب الي جديدٍ من أنواعه=حوض رفرف مايبا شد وشراعي
لا أنس البنزين عجلٍ تفرقاعه=مخطرٍ من سرعته يقلع أقلاعي
لاتحرك شفت في القاع مشلاعه=والتواير تظهر الماء من القاعي
ينعش القلب الحزين أبتهملاعه=لامشا قام يتهملع تهملاعي
لاوطى الأرض العتش كن تهزَاعه=بنت شيخٍ طامحٍ من ولد راعي
في رجاء الغايب تحَرا لمرجاعه=تنقد العشاق وتطق الأصباعي
نفسها من جملة الناس منصاعه=ماتبي إلا واحدٍ ذكره أيشاعي
ينحر اللي يأخذ الطيب بذراعه=الصديق الصافي الصامل الواعي
الوفاء والطيب ساسه ومنباعه=يوم بعض الطيب تقليد وصناعي
لاوصلتوا فأخبروني عن أوضاعه=وأخبروا راعي السمارا عن أوضاعي
أنشدو ويش السبايب بمهزاعه=لاعلي ناقص ولا أبيه فزَاعي
ودَنا نرضيه ونحاول أقناعه=كان بن مهمل بعد يسمع الداعي
كان يبغا حق للحق قطَاعه=نقنعه والحق ماعنه مجزاعي
وكان مبغضٍ في الرياجيل بتَاعه=لايجي ناقد ويلحقني أرياعي
لصَديق نخلَي النفس خضَاعه=مانوريه الجفا والتمطَاعي
الصداقة عندنا ذخر وطماعه=صحبةٍ ماهيب صحبة تمتاعي
حد جدتها على البرق لماعه=وإن خذت يومين مفعولها ضاعي
فإن تليمنا على العز والطاعه=وأن تفرقنا فجوج الله أوساعي
ما أطرد المقفي ليا صفط أشراعه=مخبل اللي للمقفين تبَاعي
من يحط أذنه على كل سماعه=جاه فرقاً مابعدها تجمَاعي
والزباد أختام هرجي ومطلاعه=يدفعه من ريحة المسك ذعذاعي

[/poem]

رد: ون بن جدلان شيلة بصوت الشبرمي
 

بيض الله وجهك اخوي مروق اوقات

هذا القصيد السنع الطيب

ونعم بأبن جدلان الاكلبي مدرسة شعرية مستقلة

رد: ون بن جدلان شيلة بصوت الشبرمي
 

وجهك ابيض اخوي يوسف وتراها اهداء لعيونك

وابن جدلان على قولتهم وكاله للشعر
حياك الله اخي يوسف

رد: ون بن جدلان شيلة بصوت الشبرمي
 

تسلم عيونك يالغالي وهدية طيبة من انسان طيب = مقبولة :)

رد: ون بن جدلان شيلة بصوت الشبرمي
 

قيده أكثر من رائعة

مشكور أخي مروق أوقات على النقل الجميل وقد نال أعجابي من هذه القصيده

الوفـاء والطيـب ساسـه ومنباعـه يوم بعض الطيب تقليـد وصناعـي
لاوصلتوا فأخبروني عـن أوضاعـه وأخبروا راعي السمارا عن أوضاعي
أنشـدو ويـش السبايـب بمهزاعـه لاعلـي ناقـص ولا أبيـه فزَاعـي
ودَنـا نرضيـه ونحـاول أقنـاعـه كان بن مهمل بعـد يسمـع الداعـي
كـان يبغـا حـق للحـق قطَاعـه نقنعـه والحـق ماعنـه مجزاعـي
وكان مبغضٍ في الرياجيـل بتَاعـه لايجـي ناقـد ويلحقنـي أرياعـي
لصَديـق نخلَـي النفـس خضَاعـه مانـوريـه الجـفـا والتمطَـاعـي
الصداقـة عندنـا ذخـر وطماعـه صحبـةٍ ماهيـب صحبـة تمتاعـي


أبياااااااااااات أكثر من رائعة تميزت بها القصيده

حاضر فتاة

رد: ون بن جدلان شيلة بصوت الشبرمي
 

الله يسلمك وتستاهل اكثر من قصيده

رد: ون بن جدلان شيلة بصوت الشبرمي
 

الله يسلمك اخت حاضر فتاه وشاكر لك مرورك الذي عطرتني به
واختيارك لهذه الابيات الرائعه يدل على ذائقه شعريه
تحياتي