خيم الحزن في صدري ونوخ ركابـه
وابتدى ليل هم ونوم عينـي هجرتـه
مابقى للقصايد وسط صدري رحابـه
غير هم(ن) ليا اجتاح الخفى ماشكرته
كل مخلوق في الدنيا مقـدر حسابـه
لو يقولون توه ماخلص مـن ثمرتـه
والسبايب تفـاوت والمنايـا تشابـه
وأجل الإنسان تكتب ساعته من صغرته
آه ياخـوي اللـي ماتعـوض غيابـه
أشهد اني فقدته وأشهد اني خسرتـه
كيف ابنساه وادله واتناسى ما اصابه
وكل طاروق لا جيت ابتديبـه ذكرتـه
يا بدر كل كسر يهون وأجبر صوابـه
غير كسر يبى يبطي وأنـا ماجبرتـه
رحمة الله على اللي له مقام ومهابـه
منبع الطيب يوم الطيب تثمر شجرتـه
من فراقه غديت أقنب قنيب الذيابـه
وبح صوتي ودمعي من عيوني نثرتـه
ودي أسلى عن الهاجوس وأصك بابه
مير حزني وهمي ساقنـي ماقدرتـه



وهذي شيلة للقصيدة :

http://almobile.maktoob.com/org/uploads/9d6dcef559.wma