الشبكة العامة لقبائل الحويطات - المنبر الاعلامي و المرجع الرسمي المعتمد

بسم الله الرحمن الرحيم

انا ماني اكبر منك لكني اخبر منك
وفرق العمر لاشي مع فارق الخبره

يجي يوم تطلب فزعتي فيه غصب عنك
وادلك على المخرج واعلمك بالدبره

تعلم تغانم فرصة الوقت اذا مكنك
وكن في حياتك معتبر لا تكن عبره

واذا كنت تجهل من تكون اختبر معدنك
كفيل الزمان انه يبين مدى صبره

على شان تعرف تحتقر شخص ماثمنك
وتثبت لمن يفخر بك انك على خبره

لو انك تصديت لهوى النفس ما وطنك
على الاتكال وضيعة الحال والثبرة

فكم ميت ودك لو مكفنه كفنك
وكم حي ودك تذبحه وتحفر قبره

والانسان لو كفه بطاقة وجيبه بنك
على جرته فالارض مايلتقي شبره

لاترقب سعة غيرك تجد حالتك في ضنك
لو انك بقصر تشوفه اضيق من الابره

تندم على مافات لكن لايحزنك
الانسان ماتغسل قذا عينه العبره

الشاعر إبراهيم الشيخي