الشبكة العامة لقبائل الحويطات - المنبر الاعلامي و المرجع الرسمي المعتمد

الشبكة العامة لقبائل الحويطات - المنبر الاعلامي و المرجع الرسمي المعتمد (https://www.alhowaitat.net/index.php)
-   منتدى المنقولات الأدبية (https://www.alhowaitat.net/forumdisplay.php?f=19)
-   -   من روائع الشاعر سالم بن سيف الخالدي (https://www.alhowaitat.net/showthread.php?t=22675)

النجم طليان المرادي 21-05-09 04:49 PM
من روائع الشاعر سالم بن سيف الخالدي
 
تدري ليش ازعل عليك

تدري ليش أزعل عليك
اعشقك و أموت فيك
تكسر الخاطر بدوني
ينكسر قلبي و جيك
لو تفارقني ثواني
أكتئب و أكره زماني
لا تخليني أعاني
و إنت في عمري شريك
راعني و أقهر ظروفك
و إسعد أيامي بشوفك
ليش بعدك ليش خوفك
دام قلبي في ايديك
حبي إبانة بعيوني
و ابتساماتي و شجوني
وانت ما تصبر بدوني
تهتويني و أهتويك
أكره العالم بدونك
و أعتزلهم في عيونك
من يحبك لا ما يخونك
لو تراه يزعل عليك
استفزك من ودادي
و اهجرك اقول عادي
من ورى خاطر فؤادي
لجل ترضيني و جيك

النجم طليان المرادي 21-05-09 04:50 PM
رد: من روائع الشاعر سالم بن سيف الخالدي
 

يا طيب القلب وينك
حرام تهجر ضنينك
مشتاق لك يا حياتي
عسى يردك حنينك

يا شوق عيني لعينك ..

أتخيلك في المرايا
في مجلسي والهدايا
يا شين ذيك الزوايا
من غير طلعة جبينك

يا شوق عيني لعينك ..

أخاف تذبل ورودي
ويجف غصني وعودي
محتاج لك يا وجودي
ودي أقبّل ايدينك

يا شوق عيني لعينك ..

اي والله إني أحبك
وأموت وأحيا بحبك
وحق ربي و ربك
أنا وقلبي رهينك

يا شوق عيني لعينك ..

النجم طليان المرادي 21-05-09 04:51 PM
رد: من روائع الشاعر سالم بن سيف الخالدي
 
رهيب


الله ما أكبر غلاك
ينبض بحبك فؤادي
من يشبهك يا ملاك
من يشبهك يا ودادي
إنت بشر غير عادي
فيك الجمال العجيب

رهيب والله رهيب

جمعت حلو المحاسن
وش هو القمر والغزال؟
حبك في هالقلب ساكن
وصفه تعدى الخيال
القمر عندك رمادي
وانت البعيد القريب

تشتاق لي في غيابي
شوق الندى للزهور
واشتاق لك يا عذابي
في غيبتك والحضور
انت مناي ومرادي
فيك الرجا والنصيب

تامر على ما تريده
أمرك وأنا له مطيع
انت الحياة السعيدة
يا ورد فصل الربيع
جوري ونرجس وكادي
جرحي بقربك يطيب

النجم طليان المرادي 21-05-09 04:54 PM
رد: من روائع الشاعر سالم بن سيف الخالدي
 
[B][I][U][CENTER]قلبي يسلم عليك



نفسي تجيني واجيك= وعاتبك واشتكيك
عيني بتسألني عنك= وقلبي يسلم عليك
انت الاماني الجميله =يا غايتي والوسيله
خلاص ما بيدي حيله =الا تجيني واجيك
قلبي يسلم عليك
حس بعذابي وحنيني= واسكن بقلبي وعيني
لاتقتل الحب فيني= قلبي وعيني تبيك
قلبي يسلم عليك
لو توقف الناس ضـدي= ما يختلف فيك ودي
ما يعادلك حد عندي =بالروح انا مشتريك
قلبي يسلم عليك

حويطي الشمال 21-05-09 09:52 PM
رد: من روائع الشاعر سالم بن سيف الخالدي
 
صح لسانك يالنجم
وتحياتي للشاعر صاحب القصيدة

النجم طليان المرادي 22-05-09 10:09 AM
رد: من روائع الشاعر سالم بن سيف الخالدي
 
لك خالص شكري وتقديري يا بن سالم


الساعة الآن 12:12 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL