مساجله بيني وبين اخي
 

جولة نديم الشمال ذكرتني بقصيده وجهتها لاخي واستاذي الاول
عياد عواد العميري عندما كنت ابحث عن وظيفه في تلك الايام
لين دخت وفي يوم وانا في مطار الرياض كتبت هذه القصيده
وارسلتها لاخي وهي من اوائل قصائدي في عام 1405 هـ

[poem=font=",7,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حظي غشيه العجز بعد العساما=كل ماابتنى وسهوم حظي يهدون
واصبحت في دنيا حيور وظلاما=حتى عيوني بالنظر مايسرون
كني يتيما من بداد اليتاما=لاله اهل ولاعنه ربعه يسالون
ابيت مثل الطفل وقت الفطاما=امه تقول اهدأ ودمعه يهلون
يامكثر اصحابي برد السلاما =لكن بالضيقات عني يصدون
الاصويحب من ربوعٍ حشاما=لني نخيته قال روحي لك تهون
هو صاحبي عاما قفى إثر عاما=وياكثر من بامري وامره يشكون
لولا الحياء لااهجر بلادي تماما=واسج باقدامي مع اللي يسجون
لكن امنيّها بلوغ المراما=قالوا صعيب الامر هونه ويهون
وصلاة ربي عد وبل الغماما=معي على خير الخلايق تصلون[/poem]

وهذا رد اخي حفظه الله
[poem=font=",7,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جاني كتابك ياحشيم الحشاما=قافٍ عجيب وكل مافيه موزون
ياللي علىّ تشكي عسور الاياما=تشكي على اخوك واخوك مديون
ياما عطيتك ياما وياما=وابوي اعطاك ميه من الشون
ابحث عن الارزاق شرقا وشاما=لاتعتمد عالغير والرزق مضمون
انت فطين وباخصا بالنظاما=والناس لولا المغفره مايصلون
عينك من الاجواد ربعا كراما=وقت الشدايد في لزومك يقومون
كثر من المعروف عند النشاما=لونك غني وتملك اثنين مليون
ترى الردا راعيه ماله مقاما=مااحدٍ يريده من على ايام فرعون
وصلاة ربي عد ماسال داما=عد الحجيج وعد منهم يطوفون
على نبيا زاح كل الظلاما=بقدرة اللي خالق الناس والكون[/poem]

رد: مساجله بيني وبين اخي
 

رد: مساجله بيني وبين اخي
 

اهلا بمرورك العطر يانديم الشمال
وانت تستاهل كل طيب لانك انسان
تحمل قلب يجري فيه الصفاء والنقاء

رد: مساجله بيني وبين اخي
 

الله يعطيك العافيه ياابو عمر
وصح لسانك ولسان والدي اطال الله في عمره
ويانديم الشمال انت راعي الطيب وتستاهل الطيب ياابو احمد
تحياتي لكم
وشكرا لك ياعمي العزيز

رد: مساجله بيني وبين اخي
 

صح لسانك يابو عمر وصح لسان ابو محمد

مساجله بليغة ومليئة بالحكم والتوجيه والأرشاد

لايظهر بها الا من عاش واقعها

فشكراً لك على أتحافنا بها

ودمت بعز

رد: مساجله بيني وبين اخي
 

صح لسانك يابوعمر
وصح لسان ابو محمد شاعران غنيان عن التعريف
والله يوفق ابواحمد

رد: مساجله بيني وبين اخي
 

صح لسانك ولسان اخوك
شاعرنا واخونا الاكبر مسلم العميري
لك خالص ودي
اخوك / صالح أبورباح

رد: مساجله بيني وبين اخي
 

رد: مساجله بيني وبين اخي
 

رد: مساجله بيني وبين اخي
 

صح لسانك يابو عمر وصح لسان ابو محمد
تحيااااااااااتي

[rainbow]ابومحمد هو شاعر المعنى
ابوعمر شاعر المليون
اقل مايقال في هذين الشاعري
تحيااااااااتي[/rainbow]