الشبكة العامة لقبائل الحويطات - المنبر الاعلامي و المرجع الرسمي المعتمد

أقدار تجمعنا وتفرقنا أقـــــــــــــــــدار *** خلها على الله أحسن نكـــــــون ناسين
يمكن يكون الـــــــــوقت من حرته ثار *** والا القدر والحـــــــــــــظ دايم معادين
ويمكن يكون الليل من ضيقته جــــــار *** مسكين وحده يبتسم للعــــــــــــاشقين
الله خلق دنيا وخــــــــــــلق ناس ٍ كثار *** ما كنت أدري في الهـــــوى دربنا وين
سبحــــــــــــانه جمعنا وشابه بالأفكار *** وصرنا أنا وياك ضمــــــــــن المحبين
لا تزعلين أرجــــــوك لو صار ما صار ***إتعودي هاذي حيــــــــــــــــاة المحبين
فرقى ووداع ونــــــــوح ودموعٍ ونار ***ما للحزن اخر على قلــــــــــوب طيبين
مجبور أقول لك روحـي والقلب محتار ***خايف عليك عيـــــــــون ناس ٍ معادين
وخلي القصايد عندك تكــــــــون تذكار ***وإدعي لي بالخير مثل ما دوم تدعين
وإبتسمي دايــــم يا عسى أيامك أنوار ***واذا ذكرتيني أبــــــــــــــــد لا تدمعين
كوني سعيده وإحفظي كــــــل الأشعار ***بالعكس لازم إنتي دايـــــــــــم تفرحين
قالت لي ما أنساك لو صــــــار ما صار ***لا تدعي الفرحــــــــه وإنت ميت حزين
يا كيف أنسى اللي من رمــــوشه أغار ***ويا كيف أنسى قلب عرفته مـــن سنين
صـــــــــاحت وثار القلب في داخلي ثار***ومن دون تشعــــــر إحضنتني بالايدين
وسال الكحـــــل من عينها وقلبي إنهار ***ولمست يديني دمــوع طاحت من العين
وطلع علينا الفجـــــــــر وبانت هالأنوار ***وقالت لي شف كيف الزمــن ماله معين
توك تقــــــــول باقي ع الصبح مشوار ***سبحان ربــــــــي مر في غمضة العين
راحت وعيني تذرف الدمــــــــع مدرار ***يا كيف وأنا إنســــان مخلوق من طين
قالت فمـــــــــــــــــان الله وقلت محتار ***مع السلامـــــــــه يا عسى أيامك تزين
وقعدت وحــــدي أرسم دموعي أشعار ***وأحــــاول أوصف حال هالقلب مسكين
ذكرت كلمه قالها الخــــــــــــل يوم ثار ***لا تدعي الفرحــــــــه وإنت ميت حزين

مما اعجبني واتمنى ان تنال اعجابكم