يامتعب القلب قلي ويش غلطاتي
 

[poem=font="Arial,6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يا متعب القلب قلي ويـش غلطاتـي=ان كنت انا اقدر اعدلهـا .. بعدلهـا

لاصرت تجهل عناء الدنيا .. وضيقاتي=من دون ماشرح لك اوضاعي تأملها

الوقت ضدي .. حرمني من ملذاتـي=والصد بعدك ذبح روحي .. وكملهـا

لا .. لايغرك كثير الصمت .. وسكاتي=خل المشاعر تقول ( الآآآآه ) وإسألهـا

يسكني الحب .. واضح من عباراتـي=وش عاد لجلك حروفي لـو أدللها

عذبني الشوق واسرفـت بخيالاتـي=روح ٍ تحبك دخيلك ليش .. تهملها

ياليتك إشوي تشعـر فـي معاناتـي=دنياك يمكن عليك تضيـق باكملهـا

الحزن كنه سفيـري فـي علاقاتـي=والهم خيّم على حالـي .. وطولهـا

اغديت دربي وتاهت فيـك خطواتـي=كل المواعيد مدري ليـش تجهلهـا

سنين احاول وضاعت كـل حيلاتـي=ماتدري اني ( حيـاة الـذّل ) مقبلهـا

لاجيتك أسال وادوّر فيـك ضحكاتـي=كنك تعمد بيديـك اليـوم .. تقتلهـا

لا تترك الظـن يلعـب باحتمالاتـي=الكلمه اللي تحزّ بخاطـرك .. قلهـا

تعال شفني وحـس بحـال لوعاتـي=كن الدقايق بدونـك عـام مطولهـا

متى التباشير بقدوم ( الغـلا ) تاتـي=فرحة زماني بشوفـك مـا تخيلهـا

خلاص صبري تعـدى كـل هقواتـي=اتعبت نفسي ( اعزيهـا .. وعللها )

ابيك تنسى وتدمـح كـل ( زلاتـي)=بعض البشر صعب مانقـدر نزعلهـا

والحين جيتك ابمسح كـل غلطاتـي=دنياي دونـك وربـي ماتحملهـا[/poem]
[align=justify]((الشاعر/محمد العسكر))[/align]

رد: يامتعب القلب قلي ويش غلطاتي
 

صح لسان الشاعر محمد العسكر


وتسلم يمينك اخوي عبدالله الموسى على النقل

الجميل لاعدمناك تحياتي لك

رد: يامتعب القلب قلي ويش غلطاتي
 

الله الله الله
ان كنـت انــا اقــدر اعدلـهـا .. بعدلـهـا
صح لسانك وسلم بنانك
نقل رائع واختيار موفق
تحياتي ياابو عابد

رد: يامتعب القلب قلي ويش غلطاتي
 

والحيـن جيتـك ابمـسـح كــل غلطـاتـي
دنــيــاي دونــــك وربــــي ماتحـمـلـهـا

تسلم يمييييييينك ع النقل خيوووووو

رد: يامتعب القلب قلي ويش غلطاتي
 

لك خالص شكري وتقديري ياعبدالله الموسي على الاختيار الموفق

رد: يامتعب القلب قلي ويش غلطاتي
 

الغالي
ابو أسيل الدبر

شكرا لمرورك يالغالي

رد: يامتعب القلب قلي ويش غلطاتي
 

صح بدنك وصح ذوقك يابن عياد

ومرورك اروع يالغالي

تحياتي