الشبكة العامة لقبائل الحويطات - المنبر الاعلامي و المرجع الرسمي المعتمد - تعرف إحساسه "المجروح" إذا حس ابْطعـن "خوان"

تعرف إحساسه "المجروح" إذا حس ابْطعـن "خوان"
أنا حسيـــــــــت باحساســـــه بعد ما جيت تطعنــــــــي

تعرف شعـــور "طيّب" حبّ من قلبه وْعقبها انْهـــــان
تـــرى نفـــــس الشعـــــور اللي شعربـه هـــو تملـّـكنـي

أنا حسيــــــت بالضيقــــه وباللوعــــه وبالحرمــــــــان
وحتى دمعتــي رفضــــت توقـــــف لجـــل ترحمنــــــي

أنـــــــا فكـــــــرت كم مــــــره أودع واتـــــرك الجدران
تبــــوح بســـري ويمكــــن ألاقـــــي مــن بيفهمنـــــي

ولكــــــن! قلت أبصبــــر واكتفــي بالصمت والكتمان
ولا كنـّـــي أعانــــي ابْـداخلــي جـــــرح ٍ ،، ولا كنـّـــي

واذا فـي يـوم سألونـي:"علامـك؟" قلت: "انا تعبان"
واقـول لـْدمعـي:"دخيـلك ماعــاد تبيــــن تفضحنــــي"

ماعـــاد القلـــب يتحمــــل جفــا أغلـى واعـز انســــان
ماعـــاد ابْـوسعــه يتجاهــل تصرف حيــــل يقتلنـــــي

تــــرى المكتـــــوب "هم قالوا" يبيّــن فـ اوْل العنوان
وانا اللـي مافهمتــــك يــــــوم عنـــوانك يحذرنــــــــي

وثقـــــــت بكــــل ما قلتــه ،، وثقـــــت لـْغايـة العميان
ولا فكــــرت افضّـــل غيــــر قلبـــك قبــــل تهجرنــــي

تعلقـــــت ابْغـــلا قلبــــك ،، وصلــت لـْحالــــة الإدمـان
وكـــل مـا شفـــت إسمــك خذتلـــي جرعـــه تسكـّنـــي

عطيتــــــك وإنت ما بيـّــــن فـ عينـــك خيـر أو إحسان
ولاتـْكرمـــت أو حاولـــت ترضينـــــي و تشكرنــــــــي

صبـرت وإنت ماهمّـــــك ولا عــ البــال والحسبــــــان
وظنـــي يــــوم تتغيــــر ،، و آه ٍ منـْـــك يا ظنــــــــي

ماعـــــــاد يفيــدنــي ظنــي ،، ولا بيفيــدنــي النكـران
ولا بيفيــدنـــي قــولــة : "أحــــس ما كــان يقصدني"

تـــــرى ما تفـــــرق الحيلـــه مـدام ان القصـد هجران
وانا افـْـضل حيلــة ٍ عنــدي أروّح قبـــل تهــدمنــــي

أنــــا برحـــل واخلـــي النــاس تذكـــر قصــة الأحزان
واخلـــي قلبـــك لـْحالـــه يعيــــش العمـــر متهنـــــــي

واذا شفت اللي من حولي يقولوا: "كانوا هم خـلاّن"
بقـــول: "ان كـان مـن تطـرون خلـي ،، ما بيـطعنـي"