الشبكة العامة لقبائل الحويطات - المنبر الاعلامي و المرجع الرسمي المعتمد

الحر من بتعه يدسم كفوفه
وابو حقب يبتع بصيد الجراذي

والدرب ما يصعب على اللي يطوفه
والطيب يبقى للرجال الملاذي

الرجل بالمجلس قليله إحلوفه
يا خاف يحنث بين هاذي وهاذي

لا شي بالدنيا عليه الحسوفه
ومن شر خلق الله قول المعاذي

ان عشت . وجه الموت لازم اشوفه
عمر البني آدم يجيله نفاذي

ومن يامن الغفلات يبشر بخوفه
ترى اول القطرات تنزل رذاذي

العز لو يقبل سريع ٍ نكوفه
اغنم مدام الدرع درعا ً فولاذي

والصاحب اليا غاب قدر ظروفه
واصفح عن اللي دايملك يئآذي

واستشعر الله كن عينك تشوفه
الرب يغضب عالرجال اللواذي

وازهد بوقتك يالسنافي وعوفه
صون اللسان وعف بين الفخاذي

واصبر على دهر ٍ قويه اصروفه
الرجل من صلف الدهر ما يهاذي

والطيب مهما شح يبقى إمعروفه
بين الرجال الطيبين الفذاذي

يقوله اللي كل حزنه يلوفه
من عقب شوف الناس صاروا شواذي

محد ٍ لقى قلبين في وسط جوفه
ولاحد ٍ نزل من بطن امه إمعاذي