الشبكة العامة لقبائل الحويطات - المنبر الاعلامي و المرجع الرسمي المعتمد - ~{.. من رآح من كيفهـ ,,وكيفهـ موديهـ ..}~

شفتي البحر لا هاج وأنكر شواطيه
وشفتي القمر لاغاب وزداد عيـــــبه

شفتي الرجل لاضاق من زود مافيه
قامـــــــــــت تصافق دنيته مع مصيبه

مجبــــــور أنا أنسى لو خفوقي يناديه
ومجبــــــور أنا أغرق في مواني غريبه

مجبـــــور أنا أنسى قصة الحزن والتيه
مجـــــبور أنا أقسى لو ظروفي صعيبه

مجـــــــبور أنا أبعد عن حياته وأخليه
مجبـــــــــــــــور يحرقني الزمن في لهيبه

مجبــــــــور يضحكني زمــــــاني و أبكيه
مجبور أنا أدفــــــع كل يوما ضـــــريبه

كل يـــــوم ينزلـــــــــني زماني و أعليه
ماهو بكـــــــــــــــــيفي و المواجع رهيبه

كل يــــــــــــوم يذكرني مكاني و نسيه
كل الوله والشــــــــــــــــــوق يم الحبيبه

حبيبتي عالم غبي قمـــــــــــــــت أداريه
قمت أذكر اللحظات لو هي صعيـــبه

أحلا البـــــــــلاوي شفتها في بلاويه
وأحلا شقى لو كانت عندي غصيبه

يومك جرحت الجرح ليش ما سئلتيه
في بعادك و قــــــــربك وصرتي نصيبه

من راح يبغــــــــــاني أجي تحت رجليه
يبطـــــــي قـــــــسم بالله مايهـــــــــتنيبه

مـــــن راح من كيـــــــفه و كيفه يـــوديه
خله على كيفه و كــــــــــــــــــــــيفه يجيبه

اللي يصـــــد وهـــــــاقي إني بنـــاديه..
أقـطـــع لســـاني لو لســــاني يحكيـــبه...

كاـــــنه مـــريض ويحـــــسب إني بــــداويه..
المـــوت أرحــــم له ـفلاني طبيــــبه