ثلاث في واحد عشان تعيش
 

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وصلني هذا الموضوع من صديق لي هو من كتبه فأحببت ان أعرضه عليكم
بسم الله الرحمن الرحيم
أعمل نفسك مش فاهم وعيش أيامك من غير ألام واسمع كلام المسؤولين وقول حاضر كلامكم أحلى كلام
صح غلط مش مهم وهز راسك يا عيني على الكلام
حكم كلام المسؤولين .............. ولا تنسى اعمل نفسك مش فاهم
حتى لو شفت الساسة بيبيعوا وبيشتروا فينا وكأننا خردة اعمل نفسك مش فاهم
ولما يقولوا بالبنط العريض( المقاومة)........ من فنادق خمس نجوم
( والنصر) ويفتحوا المزاد اعمل نفسك مش فاهم وعيش أيامك مبسوط
ولما يبدى المزاد لا تنسى تزاود وتتكلم بالوطنيات ولو كان الحديث عن المقاومة هلل وطبل وعلي الصوت واعمل نفس مش فاهم وامشي مع التيار
وبس تشوف الفلوس بتتسرق على يد القادة الكبار........... من مين السرقه من الناس؟؟؟
اعمل نفسك مش فاهم وقول........ تشغيل اموال!!!!!!!!
واذا شفت جوامع الحكومة الرشيدة من غير مصلين لا تقول لانها بتستخدم لغير اغراض الدين .... وانسى انك تقول تحولت لمكاتب سياسية ومحطات أذاعية أعمل نفسك مش فاهم بتعيش سلطان
وبس تقطع الكهرباء 24, ساعة12 ساعة قول يا سلام حكومتنا لمتنا لمت العيلة بعيد عن عصر التكنلوجيا والفضائيات وجمعتنا بقرب شمعه اعمل نفسك مش فاهم واشعر انك انت الي منور الظلمه
وما تنسى انك تدعي بس تستخدم فانوس الكاز للحكومه انها ريحتك من غلاء أسعار الغاز واعمل نفسك مش فاهم وحاول توجد للحكومة تبرير
وبس يقولوا القادة... اصبروا!!!! ما تنسى اعمل نفسك مش شايف الكروش وطولات 20 متر عليها من ما لذ وطاب واعتبرهم متجمعين على فول وفلافل او احسن اعمل نفسك مش شايف
واعمل نفسك مش شايف البدلات والكرفتات وعمل نفسك مش شايف احلى الفلات واعمل نفسك مش شايف اخر الموديلات والسيارات واعمل نفسك مش شايف
وبس تشتري من صيدلية داوء مكتوب عليه ليس للبيع تبرعات وتشتريه بمبلغ وقدره اعمل نفسك مش شايف لليس للبيع وادفع
اعمل نفسك مش سامع الفتن واعتبرها أي كلام
وبس تسمع المدح بايات قم وطهران حتسمع تشيع سياسي اعمل نفسك مش سامع
وبس تسمع مكبرات المساجد بتنده للمشاركة بمهرجان او مسيرة او شجب وسب على فلان اعمل نفسك مش سامع
أعمل نفسك مش سامع بكاء اطفالك
اعمل نفسك مش سامع أولادك ايام العيد
أعمل نفسك مش سامع انات المرضى بينتظروا التنسيق للسفر للعلاج
حتسمع بالقادة وغير القادة مرة بسوريا ومرة بمصر ومرة بالسودان ومرة بطهران اعمل نفسك مش سامع انهم طالعين نزلين ..والمرضى؟؟ اعمل نفسك مش سامع........................ ما تنسى!!!!!!!!!!
انتهيت من توصيتك عشان تقدر تعيش
اعمل نفسك......................... مش فاهم مش شايف مش سامع
ثلاث بواحد عشان تعيش.....بغزة

وهذا ما كتبه بنهايه الرسالة

أنا لم أعش لأذوق ذلا ولا لأعيش في ثدغ حنون
فتبا للحياة اذا أهنت....وأهلا بالكرامة مع المنون

صدقت أهلا بالكرامة مع المنون

لا تعليق ......

بسم الله الرحمن الرحيم
مرورك أخي فريق ركن هو أبلغ تعليق
فلك مني كل التحية

ودمــــــــــــــت سالـــــــــــــــــما

تعبت أقطع تذاكر وشبعت يا ربي غربة