المشاركة الأصلية كتبت بواسطة قــرنــاس (المشاركة 18606)

من روائع الشاعر محمد بن فياض الدماني الحويطي

حويط العز

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

هلل سحاب القصيد ولجرا عاده = وجتك المحاني كما سيلٍ مسايلها
وان كان غيري جزيل القول ماصاده = انظم بيوتٍ على المعنى تناقلها
والشعر مبطي على القيفان ترتاده = يفنى هزيله ولا تفنى جزايلها
لو هو يعاند عسفت بكفي عناده = وانهم اركاب المثايل لين اذللها
حتى يجي في هوا قلبي ومراده = لو هي لفت عوجفي مناي اعدلها
ولجت ظلوعي مع القيفان رداده = لجت سباع الفيافي في مداهلها
لعيون ربعٍ على الفزعات معتاده = ياحلو فزعت ربوعي فوق اصايلها
الكل منهم ورث فعله من اجداده = احفاد ربعٍ تشرفني فعايلها
حويط ركب وسنام المجد وشداده = وروس القبايل غزوها في منازلها
وسيوف ربعي لروس القوم حصاده = والروس لو هي تطول يقصوا اطولها
ياهيه ياللي عن الامجاد نشاده = سيف الحويطي على التاريخ سجلها
يوم الردي بالسوالف يصنع امجاده = عند الحليله على كيفه يفصلها
مايركعوا غير للي كون اعباده = الواحد اللي جميع الخلق كافلها
واللي غزاهم رماه الحظ مافاده = له غزوةٍ بالفشل والذل كللها
كم سيف قومٍ عطوه يحر مرقاده = وان عاش حرم هذيك القوم ياصلها
لحقوا حويطات فوق الخيل وراده = غلطان ياللي سباع البر تزعلها
للسيف فكه وللبندق ولعناده = هذي فعول الحويطي لا تجاهلها
المجد حنا هله من عهد ميلاده = حقايقٍ ماقدر واحد يبدلها
وان عدوا الطيب عدونا من اسياده = وبين العوايد عوايدنا هي اجملها
يوم الردي بالمجاعه شح في زاده = ارواحنا دون حق الضيف نبذلها
ويومٍ محمد تعنى تارك بلاده = الديره الي بها حويطات ياصلها
في ديرة المجد دار سعود واحفاده = ديره بها الطيب والمعروف جملها
لقيت ربعٍ تنسي قلبي ازهاده = عجزت انا بالقصيد احصي فضايلها
شوف النشاما ربيع القلب واعياده = وشوف الردي علةٍ للقلب تدمنها
واليوم عود محمد يضحك فواده = مابين ربعٍ تنومسني مراجلها
نيرانهم في سنام المجد وقاده = للضيف دايم حويط العز تشعلها[/poem]

وسلامتكم