الشبكة العامة لقبائل الحويطات - المنبر الاعلامي و المرجع الرسمي المعتمد

ما درست الفلسفات ولا علوم الرازي
بس اعرف ان التميز له علامة جوده

والتميز لا تحسبه وضعك الممتازي
التميز صعب جدا ً ما تعرف احدوده

ما سألتك عن سذاجة قطك الشيرازي
ولا سألتك عن جيوبك والفلوس السوده

جيت اهني يا مديري ولاتقول انحازي
واعرف اني لو مهني حضرتك منقوده

ادري انك ما تبطل طبعك الجمبازي
لاتجي بيني وبينك طلقة الباروده

المكيف والجريده وشاشة التلفازي
وسلة هالزهور الفاخره و اوروده

حاط رجل ٍ فوق رجل وكرسي ٍ هزازي
الفهاوه كلها في كرشته وخدوده

لعبته بعض الفطاير والشراب الغازي
البطيني وسط بطنه خمسمية دوده

في سياسة بابه المفتوح رمع اللغازي
ما يبرد حرتك والجو فيه ابروده

والموظف ما يهمه لبسه القوقازي
للتعامل وجه آخر لائك المشدوده

يالمدير اللي وجودك مثل لوح اقزازي
المناصب ما تدوم ولا تجيب الفوده

ذا المدير اللي تشوفه اقسم انه نازي
لو يحطك وسط راسه يطحنك بزنوده

لاتلفت لا تطالع نقشة البروازي
لاتجاوب قبل يسأل وان زعل لتعوده

والاجازه هه نجدي طايح ٍ بحجازي
متحصلك لو تفدَى لحيته وكبوده

مع رجال القسم كنه معجزه لعجازي
ومع حريم القسم والله سيحة ٍ ممدوده

لو تأخر ام مالك ما تشوف ايعازي
ولو تأخر شخص مثلي حالة ٍ مقروده

مجتمعنا هالوظيفي ما وصل لنجازي
كود بُعد الواسطه ولى الثقه المفقوده

وش يجيب الحر عند الترقيه للبازي
احترامي سيدي للترقيه المسنوده

انت اطلق من يمثل منصبه بيجازي
وانت انسب واحد ٍ بالدائره المقروده