الشبكة العامة لقبائل الحويطات - المنبر الاعلامي و المرجع الرسمي المعتمد

سألت الوقت عن آخر هزيمه
متى ينزل وزير من المشيمه

على شان الوفا بهل الشوارب
تجيهم عافيات ٍ مستديمه

عوافي يا بعد قلب المواطن
تفدَاكم كأنه فلَ بيمه

وكاس ٍ من يدين العبد لولو
يقهوي هالرجال المستقيمه

سلام الله على الربطات كلها
تشرفنا ابعلاقات ٍ حميمه

وجهات النظر قرَب و بعَد
لكي لا ننصدم صدمه اليمه

وبشت ٍ فوق بدلات الطهاره
وهو كله علاقات ٍ قويمه

يقند راسه بفنجال جعه
وراحت دنيته كلها رجيمه

حمار ٍ يحمل الاسفار لكن
امامك ما يعرف الا الحشيمه

يقولون الرجل دايم نجاحه
ورى هيبته انسانه عظيمه

لها اسم الصداره واللباقه
سياسيه وانسانه فهيمه

رحمك الله يا وقت الاصايل
إلينك صرت في وقتي جريمه

مخيم من مخيم من مخيم
من المنفى الى قصر ٍ وقيمه

فهذي لعبة الشطرنج يمه
نهز الراس لضعاف العزيمه

كذا حجب الثقه عند الارانب
ارانب ثلج بيضاء ورحيمه

وهم ابشع من التبشيع كله
كفايه بس هالسيره الذميمه

الا شفت الحقيبه هم لالي
عرفت ان الوضع ماله شكيمه

يروح الكلب ويلفي شخص اكلب
نعم نسعى لجل عيشه كريمه

نبي نخدم نبي نزرع ونبني
سياستنا على الارض العقيمه

معانا اربعه مليون لاجيء
كأنه بيننا عشره قديمه

فهذا مجتمعنا اللآمبالي
نفوذ الواسطه طبعا ً جحيمه

لإن اكبر مشاكلنا حسدنا
نحسد العافيه هي والسقيمه

واذا شفنا التميز ما نشجع
نكسر كل همَات العزيمه

نفَشل ياعرب والله نفَشل
دخيل الله لا غيره وشيمه

وحنا لو تعلمنا فشلنا
أبد افكارنا ما هي سليمه

نقول ان المبادئ هي مبادئ
وعز الله ما جبنا غنيمه

وحنا مثل ما قالوا غلابه
نشم الفقر ونعانق نسيمه

هذاك الطفل بالفرذخ وبسطه
يقول انعيش في حاله عديمه

تقارنّي بطفل ٍ بشمساني
معه دكتور يضبط له رُجيمه

انا أفطر صباحي زيت وزعتر
وهو يفطر على قشطة تميمه

غدانا يا رشوف ٍ يا خميعه
غداهم عند جبري له قسيمه

وانا في مدرسه كنها معسكر
وهو في مدرسة فاتن وريمه

واذا اصبحت اشوف انعال امي
وهو يصبح على عز ٍ وشيمه

وله قطه ويلعب بالملاهي
وانلعب بالكواشيك القديمه

ياعمي شوف وجهي مع ثيابي
قسم بالله لتقول الصتيمه

وانا واحد بسجني كنت اعاني
وا قفوبي ومثَلت الجريمه

ورى القضبان والشمس الضحوكه
ظليمه ما بعدها من ظليمه

فأحسن حل يا يمه رحيلا ً
إلى حيث الامل لو كان خيمه

فعند الله متضيع الفضايل
بجنات ٍ بها نلقى نعيمه