|
الهيلعي
ما عدت اداني هالزمان الموطا
ولا عدت افكر فيه لو ربع ساعه اصعب سنين العمر هذي المحطه كني بها من دون ربع وجماعه يا وجد حالي وجد سيف ٍ مغطا وجد الشجاع اللي اللتوتبه ذراعه الهم فيني شاعر بصف قلطه يجر طاروق الحزن والتياعه ياشيب عيني شب قلبي وشطه قهر الزمان وموت روح الشجاعه شكواي عيب ولا كشفت المغطا ومن فضل ربي عايش ٍ في قناعه والطيب ما يصعب على اللي ينطه وده رجال ٍ طيبين المناعه اللي لهم لا سجت الساق خطه ممشا الشرف ماهوب ممشا التباعه تلقالهم في كل الاحوال غبطه وكل واحد ٍ منهم على طول باعه وادلالهم تطبخ على سمر وآرطى نار ٍ تطوع هالرسالين طاعه سبعة حجوم ٍ جابها الشيخ وابطا ثم إورثوها طيبين الوداعه هذي نفوحها وهذي نقلطه وهذي تكرم عن وجيه الشناعه اللي يجونك بين بدله وربطه ولا يعرفون الا علوم اللكاعه تجار عمله من تعبطه تعبطه وبالسوق الاسود يحرقون البضاعه لا جاك تاجرهم بلحيه تمطى إلعن ابو هاك الشنب واصطناعه كل ما ترز اهل النفوس المهبطه تجثي على قبرك كلاب المجاعه والهيلعي عقب الهدد صار بطه وفرخ الدجاجه لا بغى الحر عاعه والشارب اللي ما لقى من يمشطه لا خير فيه اليا نبت عالدناعه اللي يدسم شاربه ما يمطه يدسمه ويسنعه بالسناعه انا وقهري والزمن والمشطه على مدار اربع وعشرين ساعه ماني على بعض الرجال اتخطا أخص هالطيب واذم الضفاعه |
الاخ ((وسيـــــــــــــع الطعنــــــــــــــــه))
عرفنا أن وسيع الطعنه هـــــــــو الشاعر الكبير:عناد الرواد وهذا ماأكدته لي اخي باتصالك بنا من دولة الامارات الشقيقه ونعرف ان شعرك به الجزاله وكذلك لاتتفرد بمدح النفس دون ذكر مآثر الرجاجيل اهل المعنى والمعاني ((اتحفتنا يااخي وسرنا وجودك في شبكة العز والشموخ)) اتمنى أن تشاركنا في الرأي والردود والتوجيه والنقد بما تملكه من خبره اعلاميه وجزالة في الشعر وهذا يلاحظه كل متذوق للشعر فكل عام وانتم بخير يااخي |
رد: الهيلعي
لا هنت يا بو احمد
وحياك الله |
| الساعة الآن 04:11 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL