|
وسيع ابطانها
حب الشمالية يوردك الهنا
يكفي تحبك من وسيع ابطانها وانا قدرت وجيت ياعمري هنا فيزة مرور اللي تزيد احزانها مدري ثلاث أيام هي عندي سنه لكنها ما بردت بركانها لون الجواز اللي علينا قد جنا وشلون يروي هالوله بغصانها يا بعد حيي يالشمال اللي دنا وانا ادور وين هو عنوانها لبيه ياحظ السعاده والمنى يا حلو شوفتها وحلو لسانها هي تدري اني عنها مالي غنا احبها واعشق فخامة شانها فاقد حنان وياتقل فاقد ضنا وش هي النتيجه يا ولد قبلانها لو ان دمي خضب ارقاب القنا قولوا لها قبله انا عطشانها لا والله اني ما ابي حزن وعنا بس هو الغياب اللي يجن اجنانها حتى من قشور الامل قلبي بنا سفينتن تجنح على شطئانها هذا انا واعوذ من كلمة انا انسى شقا الغربه واجي لحضانها حتى العمر يا بنت تاليه الفنا وكل مهرة ٍ تعرف صهيل احصانها حبي شمالي والشمالي ما حنى الا لحب اللي وسيع ابطانها |
مليون شكر ماتكفي
عنآآآآآآآآآآآآآآآآد والله أن القصيد اللي تكتبه مايكتبه غير اهل القصيد |
نديم الشمال
يا بعد حيي يالشمال لا هنت طلقت احجاجي بمرورك |
ما قصرتم
مروركم شرف لما كُتب |
لا هنتم
اسعدني مروركم |
رد: وسيع ابطانها
الف شكرا على مروركم
|
| الساعة الآن 05:33 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL