|
وطن لا صار يجهلها حقوق ارجاله الاشناب
دموعي سجدة الراهب وضلعي عتمة المحراب
تجمعني فوانيس الشوارع و آآآآآآه اسرجته انا حزني ترنح قبل زخات المطر بغياب ترنح سكرة الشتلات بين التوت وانسجته بلادي سجنك المهجور وقيدي من بقايا تراب دفني في صحااااراك الوسيعه وعود ادرجته لعل الحزن يسراب التشاؤم ما يجي طلاب وانا بشباك احزاني تعشم خير لا احتجته تراودني بلادي واستبقها قبضتك يا بااااب اخاف اطيح في كبد الحزن واقول اججته ابرسمها شفايف حزن واقطفها مع العناب ابيها تعانقها شهاب الجفر يالعنبو عجته رماد الاكتئاب اللي يوتر رقة الاعصاب يبعثرني على رمل الطريق وضيق احدجته وانا وش طالع بأيدي وحلمي عارفه كذاب عذرت الحلم لو يكذب وانا متأسف ازعجته مثل ما ينخر ضلوعي واصك الناب فوق الناب مثل ما تكتئب فيني ورود العيد وابهجته مثل ما اعلق الدمعه على شماعة الاهداب وانا همي على الكتفين طوّفته وحججته ياعمي قلة الحيله حكايه ما تجي بكتاب رصيف الحزن يتثاوب مع الاحراج لا احرجته صحيح ان الغياب اصبح جليد يحجر السرداب وصحيح ان القهر فيني قطع آمال اسرجته وطن لا صار يجهلها حقوق ارجاله الاشناب عسى اسواقه السوده تبيعه قبل انتجته وطن حلمي وطن يحضن دفا قلبي ولا يرتاب تجرفني الرياح الموسميه عقب ما دجته فراق امي من الاصعب الآقي له عذر واسباب وانا لو الخلل فيني قسم بالله عالجته يذرّيني الفراق ويستميت بفاسه الحطّاب وانا دمعي على خد الفيافي تطول دحرجته يقولون الامل باقي واقول ان التراب تراب عسى ما امدله يدي وعساني يوم ما احتجته |
صح لسانك وعلا شآنك
ديرة الواحد مآفيه اغلى منها والحقيقه ان شعرك ربما يكون (اكبر من شهآدتي فيه) دمت مبدعا |
صح لسانك وسيع الطعنه
اعجبني بنائك للقصيده مبدع لاعدمنا هذا الحظور تحياتي لك |
[gdwl]
ماشاء الله تبارك الله الشاعر المبدع / وسيع الطعنة كلمات قوية جزلة مبدعة من شاااعر جزل ومبدع . دمت بترف ورقي وننتظر منك دوماً وكما تعودنا جمال الحرف وقوة النص . سلم نبضك وعلا شأنك تحياااتي القلبية مسلمة [/gdwl] |
نص متكامل الروعه
من شاعر فذ لاهنت يالقرم |
لا هنتم على المرور
|
رماد الاكتئاب اللي يوتر رقة الاعصاب
يبعثرني على رمل الطريق وضيق احدجته وانا وش طالع بأيدي وحلمي عارفه كذاب عذرت الحلم لو يكذب وانا متأسف ازعجته كلمات متدفقه على ادراج الابداع من شاعر متالق في انتظار الجديد.. |
الله لا يهينكم
مروركم اطلق حجاجي |
رد: وطن لا صار يجهلها حقوق ارجاله الاشناب
مشكورين
ولا هنتم على المرور |
رد: وطن لا صار يجهلها حقوق ارجاله الاشناب
وطن لا صار يجهلها حقوق ارجاله الاشناب
|
رد: وطن لا صار يجهلها حقوق ارجاله الاشناب
لا هنتم وحياكم الله
|
| الساعة الآن 10:55 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL