الشبكة العامة لقبائل الحويطات - المنبر الاعلامي و المرجع الرسمي المعتمد

- ضيفنا الشاعر الكبير / عناد الرواد (https://www.alhowaitat.net/forumdisplay.php?f=352)

- - رفيقك (https://www.alhowaitat.net/showthread.php?t=28493)

رفيقك ان قصّر اسمح له
لاتقضب المخطيه يجفاك

وان زلّ في حقك اصفح له
لا جاك ضيم ٍ فزع وايّاك

احشم خويّك وقرّح له
ملزوم لو تحشمه يرفاك

الصاحب الهيلعي رح له
لا غبت عنّه يبي لقياك

من وسّع ابطانه افتح له
قلبك وحطه على يمناك

واللآش حذراك تمنح له
اليا وثق بك قدر يشناك

يجظ قلبه ويرزح له
لا جيب في مجلسه طرياك

ميص اللبن يحلب النحله
طبّاخ فاس ٍ يبي ياطاك

يمجع نفاقه ويطرح له
يكعر الجو بالتنباك

والطير لا هد لوح له
وان كانه ادبر ترى خلاك

وآتي صِداق المره نِحله
ولا طابت النفس يا مغناك

وجه ٍ توده وتمدح له
وجه ٍ يحسدك وما يهواك

والضيف لا سيّر اجمح له
واطلق احجاجك وقل : حيّاك

والجار لو ظامك اجنح له
او شد وارحل قبل يبلاك

ترى الردي كان تسنح له
فرصه من العاليه درباك

لا تلتفت له وتشرح له
تاجر حكي يقبض لعرواك

دوّر على رجل واطمح له
من ماله الحر قد عشاك

ريف الخوي يوم ينصح له
تلقاه ستر ٍ الى غطاك

ارفع مقامه وقم دح له
وشب فنجاله اليا جاك

رفيقك ان قصّر اسمح له
لاتقضب المخطيه يجفاك

وان زلّ في حقك اصفح له
لا جاك ضيم ٍ فزع وايّاك

صح لسااااااااااااااااانك أخي الشاعر وسيع الطعنه

والضيف لا سيّر اجمح له
واطلق احجاجك وقل : حيّاك

والجار لو ظامك اجنح له
او شد وارحل قبل يبلاك
الله يعطيك العافيه
وبيض الله وجهك

صح لسانك وانا اخوك

الله يعطيك العافيه ولاعدمناك

دمت بخير

لا هنتم شرفتوني

والضيف لا سيّر اجمح له
واطلق احجاجك وقل : حيّاك

والجار لو ظامك اجنح له
او شد وارحل قبل يبلاك

صح كلك يالغالي
شاعريه لامتناهيه..
دمت بود.

الله لا يهنكم

مروركم اطلق حجاجي

رد: رفيقك

لا هنتم وفالكم الرفيق الغانم

رد: رفيقك

قصيده رائعه وجميله بمعنى الكلمه

تذكرني بقصيده للشاعر بركات الشريف في وصيته لابنه

اظن انها نفس الاسلوب

احسنت اخي عناد ولاهنت