|
وام سالم غرّدت مع جرّة الشبابه
طبق جينات الوراثه لا تزيد الجرعه
الردى في جين جدك وارثه يزلابه ماعرفت العنصريه ولا عرفت النزعه ولا أسج الخطوه اللي تقفل البوابه النفوذ اللي أمده في حدود البُقعه ينتهي عند احترام العالم النصابه يالربع ما هي على وقت القنا والفزعه لا بقى فيها حرايب أو شريعة غابه ذا زمان العولمه والتقنيه والسرعه واشهد انها دولة ٍ محكومة ٍ منهابه المهم إب هالزمن هذا (حفاظ السمعه) الكرامه والديانه والشرف واللآبه والعديم اللي نهدّه ما يعيد الطلعه وما عليك الطير دايم يشبعه مخلابه كم عالم بالخطا حللّ زواج المتعه وكم واحد ما عرف وين أصبع السبابه القصيد السنفواني ما يجيب الصدعه وام سالم غرّدت مع جرّة الشبابه بس دورت المراجل ما لقيت القطعه كلّهن تقليد يا ان البشر كذابه والله انهم لو يعيدون الورق والقُرعه شاش راس طويق لجلي فاقد ٍ اعصابه الصحيح ان المبادئ ما تجي بالدفعه والمسدس ما يناطح طلقة الدبابه كلنا من طين واحد يالشهور التسعه وكانك انت الذيب فعلم بالرجال ذيابه |
[align=center]
شآبه حررررررررررريقـــه القصيده لي عودهـ ... [/align] |
وسيع الطعنه ماعليك من كثر الكلام وقله
اشهد شهاده انك شاعر وتضرب على الوتر الحساس اعجابي ومتابعتي لما تكتب اخوك طبيب الروح |
صح لسانك ودام ابداعك
|
مرحبا وسهلا
|
وكانك انت الذيب فاعلم بالرجال ذيابه
وسيع الطعنه كالعاده ؟ التمز والنجوم الخمسه وهذا اقل شئ اقدمه لك بعد شكري الجزيل دمت بخير |
[align=center]
وسيع الطعنه عزالله طعنتنا بهذه القصيده الرائعه بيض الله وجهك [/align] |
كما عهدتك
لاترضلى الا براس طويق لله درك يامبدع |
ذا زمان العولمه والتقنيه والسرعه
واشهد انها دولة ٍ محكومة ٍ منهابه صح لسانك ماشاءلله عليك ابداع رائع النفوذ اللي أمده في حدود البُقعه ينتهي عند احترام العالم النصابه ابداع متدفق |
ما قول غير صح لسانك وماشاء الله عليك اسلوب راقي الى ابعد الحدود لاعدمناك قلمك الجميل. |
الله لا يهينكم
مروركم اطلق حجاجي |
رد: وام سالم غرّدت مع جرّة الشبابه
لا هنتم على المرور
|
رد: وام سالم غرّدت مع جرّة الشبابه
ام سالم غردت مع جرة الشبابه
|
رد: وام سالم غرّدت مع جرّة الشبابه
تقبل مروري واعجابي بهذه الشاعريه الشامخه والنص الفريد مدد وليس عدد ياعناد اشكرك ولك تحياتي |
| الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL