الشبكة العامة لقبائل الحويطات - المنبر الاعلامي و المرجع الرسمي المعتمد

يا ابو الشيوخ الشاذليه تجيب الراس
خابرك معها يالسنافي تجي مبسوط

ادنوا معاميل ٍ ترى كبودنا يبّاس
وهاتوا دلال إبطونهن يا تقول ابطوط

شفي شقار الكيف فحمس على المحماس
لين يعرق هالبن يظهر عليه خطوط

الماو جظّور من رجيف ٍ يجيب الناس
دنّه ورنّه حب قلبي لهاااااك الصووط

ما هي إقهوة اللي طبخها بزفر الطاس
ولا هي إقهوة اللي حريمه تجيك بلوط

حديتنا عالرد يلي طبخت الفاس
لحقت تيهات العمى والعمى له نوط

انا قوي الباس وانتا ضعيف الباس
انا عقدت احبال وانتا عقدت خيوط

يا من تغثرب عد الاشعار دون احساس
والشعر عد ٍ يارده شاعر ٍ له سوط

يروّض القيفان في سوط ابو نوّاس
ولى إمتنبي ينقش الشعر عالمخطوط

الشعر لا ضحكه ولا هوب حبة راس
الشعر له مهجع ومربط و 5 شروط

ماني مبارز يا ولد موسك الكبّاس
شامان كم راس ٍ على صفحة مملوط

ولى انت شعرك بس حبر ً على قرطاس
إمجمعن ٍ منّا ........ومنّا.... وجا مخلوط

صحيح قبل انسى !! على طاري النوماس
ربعي هل العليا وربعك وراك زطوط

خابرك وكري .... ويش جابك لهالقرناس
تراك لو هدوك تتعب من اول شوط

لا تطاول العملاق تتعب وتحني الراس
وأتطّمنّ المتنين والذيل يا الممعوط

مانتا ابو زيد الهلالي ولى جساس
لتلاوي الحنتسان في هرجك الممطوط

أرع التبن ياثور وش لك تسب الناس
مسكنك ارض الغور ولى قرايا لوط

ما هوب ذنبي لا كلا زرعه الغراس
ولا هوب ذنبي من حرق قشه البلوط

وش لي ببابا نويل والعيد والهوجاس
وش لي بقطار ٍ يزعج الناس طوط وطوط

أنا ابنُ طلاّع الثنايا عريب الساس
متى شهرت السيف تدري من ؟ المقروط