الشبكة العامة لقبائل الحويطات - المنبر الاعلامي و المرجع الرسمي المعتمد

لويش ياشعري تبي ترفض التطبيع
وتحطها في ذمة الوقت واشخاصه

يا شعر ما يكفي حياتي من التمزيع
وعقارب الساعه مع الوقت قصاصه

من كل قطرن اغنيه وكل غله ريع
ومن كل فمن يشرب الحزن بقلاصه

طبطب على ظهر المعاني الين اتميع
واترك كوافير القصايد ومشباصه

واسمع ابويتاتن تلكع ابو التلكيع
تلكع المعنى والافكار لواصه

تدفع فقاقيع اكسجيني الى التفقيع
وتنفخ بها احلام من روح ارهاصه

ودي افضفض قبل ما اجي واقول إمطيع
وابصم على العشره ولو مت برصاصه

بقول جملة حق واللي يطيع يطيع
كرسي ظلم وامراض وشعوب رقاصه

لا تسألوا بعض الملاعق عن التبليع
ولا تسألوا العصفور عن ضييييق اقفاصه

يا ناس علموني ؟ بقى شي مو للبيع ؟
بعنا الوطن والدم والدين واخلاصه

رغيف خبز القمح وسياسة التجويع
وطفل الحليب يموت من اجل مصاصه

حكام ؟ لا والله سياسات جوع طيع
وش جيب التفاح لوراق ايجاصه

خلني اسولفلك اذا قلت لي تشريع
باقول لك نص العرب طبل واهياصه

اخاف كل شين بنيناه فينا يضيع
واخاف قصتنا كذا ما لها اخلاصه

يا حزن تتسلل الى جذري التربيع
افتح عليك النار ولا افتح القاصه

60 عامن قطعت مجدنا تقطيع
وخلت حلام الشرق بالوحل غواصه

60 عامن للتشرد وللتشييع
الراس ديس وحط بالخشم قناصه

لويش يا شعري تبي ترفض التطبيع؟
وتحطها في ذمة الوقت واشخاصه