الشبكة العامة لقبائل الحويطات - المنبر الاعلامي و المرجع الرسمي المعتمد

إصدورنا صارت بهالوقت مكبوته
زفراتنا تحصد ألم صدر ٍ إحنين

اعصابنا من شغلها حيل مفتوته
وهمومنا تقسى مع الحال وتلين

احزاننا تضحك وتبكي مع النوته
وافراحنا قصة ورع عند مدين

ايامنا أكفان وحظوظنا موتى
وانهارنا وجه التعب فيه متبين

تذري رياح الجوع وتجرد التوته
واوراقها تسقط على جذعها اللين

حياتنا كلها تعب كم ممقوته
مظلوم فيها قايل الحق والدين

وانا كذا حالي والايام مبخوته
عل وعسى هالحال تضحك وتتزين

لو يدفنون الحزن في وسط تابوته
شفته يعاتبني على وضعي الهين

تغتالني صفعه على الخد مسموته
بيدين وقت ٍ لعنبو حيًه اظنين

وقت يغرغر فرح الايتام في صوته
كنه غني لا حده الفقر واتدين

شفت الصباح يلامس ايدين ياقوته
وحظ الغني كم يفلق الصخر وزوين

وشفت الفقير اللي يدور على قوته
وآه الفقر في نص الوجيه تتعين

وشفت الغني اعيونه اكبر من بيوته
وعين الفقارى كل الايام تتطين

سبحان رب الفقر والجوع والموتى
اللي خلقنا من حما طين ٍ اهوين

وصدورنا صارت بهالوقت مكبوته
وزفراتنا تحصد ألم صدر ٍ إحنيَن