الشبكة العامة لقبائل الحويطات - المنبر الاعلامي و المرجع الرسمي المعتمد

فل الحجاج وخل نفسك بشوشه
وكل ٍ على ليلاه خله يغني

كش كش ملك والشعر تبقى عروشه
والشعر يبقى راس رمح المطني

في ذمتي هالشعر يوم ٍ احوشه
اورده وارجع وانا مرجهني

كم بيت شعر وناقد له ينوشه
يعذربه ويقول ما خاب ظني

ما يذكر الله من بلادة كروشه
عفن الرجال ان جاع بطنه يوني

الشعر محجر والقوافي رموشه
وانا معاه احساس... إلا لإني

اهد في سيفه وادشن جيوشه
ومعلق النيشان من صغر سني

الشعر لا هده ولا هوب هوشه
ينساب بسطور الهدى والتأني

كل قانص ٍ وده ينومس وحوشه
ويشوف فعل اطيوره اليا اعتلني

الشعر موسم والجزاله عشوشه
ويطلع مع المثلوث وكري مثني

والكامل اللي قيمته في قروشه
متفهق الجنحان يوم اكفخني

(هناك رجال ٍ يمطمط اخدوشه)
جانا ينظر بالخطا والتجني

يقول ان الشعر قفت طروشه
وان الشعر ما اعاد له اي فني!!

اقول لا تنهق علينا جحوشه
حنا خيول الشعر يوم اسرجني

هو يحسب ان الشعر سبحه وروشه
يا ايها الشاعر كفاك التمني

ودك ؟؟؟؟ تصل بالشعر قمة عروشه
قل : كش ملك واطعن برمح المطني !!