|
قدرك بدينار... قصيده روعه
بسم الله الرحمن الرحيم .. انقل لكمـ اليووم قصيدة الشااا عر عبد الكريمـ الجباري صار الوطن غربة وصار السفر دار لوين مدري لاكن لاي ديره من عاش وقته ما يحسب للاشوار يضيع ما يعرف توالي مصيره للنفس حد ولو تعدته تنهار ما عاد تفرق بين خير (ن) وخيره بعض العرب في جوفها علوم واسرار والله هو اللي عالم (ن) بسريره كم واحد (ن) يشرب قراطيع الامرار ولكن صابه كبر حب الشعيره وكم واحد (ن) لو صابه ادنات ما صار خلا الصغيرة في عيونه كبيره اذا معك دينار قدرك بدينار مع احترامي للوجيه السفيره كب الدلال وصك بابك عن الجار وغير مسماتك وخل العشيره تلقى مع العالم معزه وتعبار الطيب تالي الوقت اصبح معيره ما عاد به بلوقت حشمه ومقدار لو انك انت شيخ فخذك واميره انت وشكيره لو تمرون خطار محد (ن) تحفابك تحفو شكيره هذيك مدخلها مع كبار زوار وانت تفتش بلشناط الاخيره المال يغسل من ملئ وجهه العار والفقر ذل أهل السيوف الشطيره يحقر اللي معلي ساسه غبار ويعز من شان النفوس الفقيره الفقر قصر من طويلين الاعمار والمال طول في العمار القصيره هذا الصحيح ولو تجيبون الاعذار عذر اسحاب القول عقب الكسيره الميت له دعوه وللكسر جبار والهرج ماسر الجروح الخطيره اللي مشى في عزة النفس ما بار واللي يذل النفس بايع ضميره قدامنا جنة وقدامنا نار واللي بغيناه الجنة وسفيره تحياتي لكمـ.... __________________ |
رد: قدرك بدينار... قصيده روعه
يعطيك الف العافيه
على الطرح الشيق تقبل مروري تحيااااااااااااااااااتي |
رد: قدرك بدينار... قصيده روعه
يسلمو اخوي
قصيدة جميله بجمال روحك دمت بود الذيب |
رد: قدرك بدينار... قصيده روعه
اقتباس:
قصيدة رائعة وتحكي الواقع صح لسان قايلها و تسلم يد اخي الوصيف تحيات اختك ام الفهد |
رد: قدرك بدينار... قصيده روعه
كب الدلال وصك بابك عن الجار
وغير مسماتك وخل العشيره تلقى مع العالم معزه وتعبار الطيب تالي الوقت اصبح معيره ما عاد به بلوقت حشمه ومقدار لو انك انت شيخ فخذك واميره انت وشكيره لو تمرون خطار محد (ن) تحفابك تحفو شكيره هذيك مدخلها مع كبار زوار وانت تفتش بلشناط الاخيره وصف دقيق لوقت رديئ وللاسف هذا وقعنا الان تحياتى للشاعر الصدق وشكرااااااا لناقل العااااااصف |
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL