الشبكة العامة لقبائل الحويطات - المنبر الاعلامي و المرجع الرسمي المعتمد

يا آه تقتلني قبل حرب صعده
من كثر ما بالجوف آه ٍ ورى آه

ما ذقت لي نومه ولا جيت قعده
صرنا انا والحب قصة معاناه

وحبي انا ماعاد تهضمه معده
علقم مذاقه مر وآنا لي الله

والصاحب اللي غاب يبشر بسعده
وشلون أطمع به و احده علقصاه

اشتاق له وانطر متى يحين وعده
واقول له لبيه لبى ولبااااه

ما بي يفارقني ولا يطول بُعده
لإنه هنا وشلون يا زيد تنساه

خله على راحته يقوم سعده
وان كانه اتغلا انا عارف ادواه

بعض العرب لا غاب حبه يعبده
وانا اذا ما غاب بشكيه لله

مابي حيا مزنه ولا صوت رعده
الا يوردني وانا قابض ارشاه

والله لنتف شارب اللي يبعده
ان ما رتع به ذيب ميشوف مفلاه

ليه الحسد يهل الوجيه المجعده
وليه الحسود ايحط يده على فاه؟

والمشكله لا جيت قبله وبعده !!
الا يعانقني واضمه واقول آه