الشبكة العامة لقبائل الحويطات - المنبر الاعلامي و المرجع الرسمي المعتمد

النص مركب من بحرين لحد يتوه

ابكيك يا الشارع من الضيق والحنه
وزحمة دوام تحول بيني وبينها

ابكيك يالقلب المعذب من الونه
من ونة ٍ اسمع بصدري ونينها

ياليت لي جنحان للحب مستنه
اكفخ عن الزحمه الى نور عينها

ولكن على ما قيل ( ياعمي استنا )
خلك مع الزحمه مدامك رهينها

أجر طاروق الحزن جرة الشنه
وآقول نفسي جعل ربي يعينها

الله يالعطر الملاكي مع الخنه
الله يا الضحكه وطلة جبينها

لا هبت النسمه على شجرة الحنه
يسقط شعرها وترفعه في ادينها

حبيبتي من شوفتي حيل ممتنه
لكنّ هالزحمات يا شين شينها

قلبي عليها قلب من يعشق الجنه
روحه على كفه ودمعة حنينها

اكره شوارع بو ظبي واعشق العنه
وباقي الظروف اتهون والله يعينها