الشبكة العامة لقبائل الحويطات - المنبر الاعلامي و المرجع الرسمي المعتمد

البارحه اقرا جريدة عرب غد
اول خبرها فلوزات الخنازير

يفلوز الملعون والجيب ينقد
والطامه الكبرى قروش الهوامير

سبحان من يمهل ولا يهمل العبد
وما قدره يمشي على الناس ويصير

واقول هالامراض لا ما لها حد
بكره يفلوز هالنمل والصراصير

يعني اوروبا حسّت الحين بالجد
من عقب ازمات الفلس والدنانير

الله يسخطهم مثل سخطة القرد
سخط القواقع والتحف والاحافير

من عقب ما كانوا على سلم المجد
طاحوا من السلم ولا عينوا خير

قرون وسطى كلها جهل مع برد
يرجع لهم عصر الظلم والاساطير

كنيسة البابا على الروس تنهد
ونهاية القسيس لا طاح فالبير

يمكن اوروبا سبعة اسنين تنحد
من بعدها ترجع خراب وعواصير

والفايروس اللي يبي ينهش الكبد
ياليت ينهش بوش مع جورج وبلير

بكره تشوف الجو من دون كونكورد
وكل الاجانب للمطارات تسفير

وان كان لا والله ما فيه من بد
باخذ لقاحي من رحيق الدبابير