بيــّــاعه
 

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
مايحس اللوعه الي في حشا راعيها=كود من فرقى الحبايب في حياته لاعه
لاغدى عمره برجوى وصل من يرجيها=ولاحصله من مراده لو ثلاث ارباعه
هي تحسب اني بعد ماروّحت ناسيها=والله اني مانسيت الغاليه لو ساعه
دوّجت لين استقرت في حشا مغليها=واصبحت يوم استقرت صيفه ومرباعه
التقت دقات قلبي والمشاعر فيها=لين دانت كل دقه بالولا والطاعه
كل ماذعذع نسيم الصبح من واديها=امتلى صدري حنين وشدها ذعذاعه
وجّهت شرق الجزيره والغلا حاديها=ساقها جرح الغرام وروحي النزّاعه
للغرام الي جروحه بالحشا مخفيها=للغرام الي براني في جميع اوضاعه
كل عرق ٍ لاذكرت ايامها يبكيها=يذكر ايام الغرام وتبتديه اوجاعه
علقتني واقفلت كل الدروب اليها=واقطعت حتى الرجا في رفعة السماعه
ماقدرت اصبر وانا الي مهجتني معطيها=للهنوف الي خذتها من زمان وداعه
انبتت فيها المحبه شجرة يسقيها= فيض من نهر المشاعر والغلا بانواعه
واينعت فيها الورود وعطــّـرت ساقيها=بعد مافاحت روايح وردها ونعناعه
البلا انه مايموت بخافقي طاريها=بين دقات الخفوق ونفسي الملتاعه
كنت ارقـّع من غلاها واعتذر واجيها=لين زادت شقها عن رقعت الرقــّاعه
كم تعذّرت لجروحي والعذر يرضيها=لين خلـّصت الكلام وطاحت الشماعه
هي بنت قصر المحبه والغلا بيديها=بين قلب المغرم الي حبها واضلاعه
كان هدمه يوم ضاقت بالغلا يرضيها ؟=وش يفيد الي شراها دامها بياعه ؟
[/poem]


فهد المشهوري الحويطي

صح لسانك شاعرنا فهد الحويطي
قصيدة عذبة و جزلة و لا يكتب هذا الجمال و هذه المشاعر سوى شاعر متمكن و رائع
تقبل احترامي

هلا يابن العم :sm167:


الرومانسيه الي تقراها رومانسيه قديمــه


<<<< خايف يعلم عليه :D

والله مبدع يآ اخ فهد الحويطي والى الأمآم
لاتحرمنآ من جديدك لاهنت
صح لسآنك