الشبكة العامة لقبائل الحويطات - المنبر الاعلامي و المرجع الرسمي المعتمد

[frame="14 75"]
الطير والمقناص والجو في حله
ونار الغضا في ديرة الشرق مشبوبه

نتعب على الفنجال ونلقم الدله
يطرب لها الشراب لا قيل مصبوبه

انا غرامي البر والبر ما امله
مع كل طعس وفج وحزوم منصوبه

نقطع رهاريه السهل عرف وندله
فوق الذي لا سار يازين مركوبه

مصنوع باليابان ما جاته الزله
بين المواتر ركبته حيل مهيوبه

لكزس عذارى السوق كلهن تمايله
ياكبر حظ اللي مع الناس مرغوبه

ودي اضم الارض والكون من جله
واحضن نسيم البر واجيه وآجوبه

افضل سياحه لاقد الناس منحله
ممشى مع المقناص والبر ودروبه

مع اشقر ٍ للريش عالكف ونتله
يجدع خشوم الغيم والعين مصلوبه

واليا انكسر فالحوم ناكس على غله
يدرع بوسط الجول يختار مطلوبه

الخرب لا شافه تزوزى من الطله
مر ٍ يطير ومر يطلب له التوبه

عيا عليه وبالمخاليب مرسله
صكات منها صايب الخرب غيبوبه

خمه بكفه يا تقل لا عب السله
هداف دوري وكل قول ٍ بإسلوبه

حده عليه الجوع والجوع ياذله
نثر بريشه صافي الدم مشروبه

سلطان يلي تدرك الطيب وتدله
الطيب ساسك تدهل المجد ودروبه

اشكيك هم ٍ لا بدى الليل افطنله
ودمعة شقى ياخوك عالخد مسكوبه

وش حيلتي ياخوي والحظ به خله
وش قدرتي معها والاقدار مكتوبه

وجدي عليها وجد خل ٍ على خله
وجد الذي طيره غدا لحظة غروبه

وطرد الهوى مابه ملامه ولا عله
لا صار بحدود الشرف زالت عيوبه

انا اشهد وقتي غدرني بلا زله
وما عاد قلبي ياسع الحب وذنوبه

[/frame]