الشبكة العامة لقبائل الحويطات - المنبر الاعلامي و المرجع الرسمي المعتمد

من عام الف وتسع إميه وثمانين
وانا اشوف الذل والبس وشاحه

واليوم اشوف القرن واحد وعشرين
صاير مجازر دم في كل ساحه

حرب ودمار وذبح واجرام والبين
ماعاد خلى فالقلوب السماحه

يعني خلص هالخلق طاحت من العين
قلّة عقل ما عاد فيها رجاحه

ودي اريحها ضمير الملايين
عشان ابري ذمتي يالصراحه

والله حرام الذبح بين المسلمين
الكل يشهر ضد الآخر سلاحه

يامسلمين احنا رجعنا كآهاتين
مثل الجدار الهش سهل اكتساحه

من عقب ماكنا بروس العناوين
صرنا ولا نحتل ربع المساحه

احنا متى كنا على الراس والعين؟
حتى يعز الغرب فينا البراحه

مقفين ياعالم الى اليوم مقفين
واسلامنا طير(ن) تكسر جناحه

نستاهل الاكثر من الذل والبين
لا ... مو ضروري نذوق بالوقت راحه

يا امة(ن) عاشت على الهز واللين
والدندنه والدلعنه والسياحه

كل يوم نجم جديد بين المغنين
وبث الفضائيات زاد الوقاحه

مازالت الامه على حالها سنين
وموج التحدي موج صعب اجتياحه

لية؟ ومتى؟ وشلون؟ من وين الى وين؟
شط الامان شلون نرسم نجاحه

نبكي على بغداد ولى فلسطين؟
الجسم واحد كيف نخفي جراحه

ونتبع الاخبار نقرى العناوين
ونشاطر الاحزان شعب وكفاحه

هم علمونا نكون بالحيل .....
لا دين لا اخلاق لا فيض واحه

وجند الفتوح اللي انتصر بالميادين
يروي لنا اروع قصص لانفتاحه

ايوان كسرى وقيصر الروم والصين
فوق الهزيمه كبدوها الإطاحه

ليه التناحر هو رجع يوم صفين!
ما كل من يجرح تضمد جراحه

ما كل هذا الدم فوق الاراضين؟
سالت بحور الدم هبت رياحه

خلكم على منتم عبيد السلاطين
ترى الكلاب تحب كثر النباحه

ياناس اصحوا مالكم ليه ناسين؟
مستهدفين ادميَنا مستباحه

فرض(ن) علينا نصرة الحق والدين
حتى نبدل مرها بالقراحه

ويمكن يظل القرن 21
خيبة امل لا شمس تضوي صباحه

المسألة مش وقت ! المسأله دين
حتى صهيل الخيل ياصل فلاحه

مليار مسلم كل ابوهم مساكين
وظلم الزمان الحين يبدي ارتياحه

ارهاب حطونا ترى بين قوسين
وش فاد حرف الضاد اهل الفصاحه

يارب وحدهم على الحق والدين
آمين تنشر رحمتك والسماحه