الشبكة العامة لقبائل الحويطات - المنبر الاعلامي و المرجع الرسمي المعتمد

ياراكبا ً Dadson تبوج الخطوطي
خذنا معـك بالهجولـه والتفاحيـط

شفـت القصايـد آيلـه للسقوطـي
وابيات شعر(ن) بالضعف كنها خيط

سلموا عليه ان جيتم الاخطبوطـي
حيث ان عمدان الشعر تسند الحيط

أعني السبيعي لا عقد هالخيوطـي
الشاعر اللي ما يعـرف الخرابيـط

اللي يحط الشعر في وسـط قوطـي
ومن حوله الشعار كنهـم مخابيـط

من دون فخر استـاده المنفلوطـي
الفيلسوف ينشـط الفكـر تنشيـط

اللي يروض القاف من دون سوطي
حتى يجيك البيـت مافيـه تفريـط

دورت حتى شفت ذيب(ن) صعوطي
شروى الذي ما قسط الطيب تقسيط

قمت وسألتـه والتحفـظ شروطـي
وش نشب الشعار بالخيط والميط ؟

قال الشعر ملعب وكـوره وشوطـي
وعند الحكـم اهدافكـم والتشاويـط

أجلٌت ولا أعلنـت لحظـة هبوطـي
الشعر لـه مبـدا وشـد مرابيـط

وياراكبا ًDadson تبوج الخطوطي
خذنا معـك بالهجولـه والتفاحيـط

رد الشاعر محمد بن مقعد السبيعي

ياراكبا ً ددسن عليها جنوطي
مشرية(ن) بالكاش ماهيب تقسيط

وصل رساله قالها الاخطبوطي
اللي قصيده مايجي فيه تفريط

فكر الخلايق صار فيه امغلوطي
وش عاد لو صارت علوم وخرابيط

مثل الغواني تلتهي بالنقوطي
ومؤشر الابداع بالسوق تهبيط

انا اشهد ان الطيب فيك امحطوطي
حيثك بحر بالمرجله دايم امحيط

نوط الحزن نوطك وانا صار نوطي
اهوى على ماقلت حب الفطافيط

خلك كذا انسان دوم امخلوطي
يوم(ن) حزين ويوم ضمن المباسيط

وآخر كلامي مانبي صدر اوطي
وايضا ولا نبغي يجي صدرنا ايط