|
جئت يا عمدة ،، والله جابك ،، منتظرك من زمان ،
[align=center]السلام عليكم ورحمة الله وبركاته ،،،
يا وجوه الخير ،، يابو عبدالله ،، ولا يهونون الجميع ،، هذا عمدتكم ،، حضر ،، وانا لي كم يوم ،، أدوره ،، بس هو كان منحاش ،، واليوم خميس ،، وطب السوق ،، الله اللي جابه ،، واليوم جاء حسابه ،، هاه ،، ياعمده ،، تخبر يوم مريت عليك ،، إنت وابو عبدالله ،، وبس ماسلمت عليكم ،، وجلست ، إلا وعدَّت ،، أختنا (ريتاج ) ،،وحيتكم بكل أدب ،، وانا ،، والله ما بدر مني غير رد التحية ،، وبعد ما أنا مشيت من يمكم ،، إلا وانت ،، تحاكي أبو عبدالله ،، وتجيب طاري القلوب الخضرا ،، وعلوم العرس ،، وتغمزني بالهرج ،،، من يومها ،، ياعمدة ،، وأنا ناوي أرد عليك ،، بس كل ما مريت عليك بمجلس أبو عبدالله ،، يقولون العمدة ما لفى اليوم ،، ويوم الله جابك السوق ،، وقدام ،، ها لوجيه الطيبة ،، أبي أقول اللي في نفسي ،، جَيتْ ، أَبِي وْنَاسَهْ وأتْكيَّفْ بفنجان ........................... يَمْ خيمتكم ، وأتقـيَّـل شوَيْ فيـها مَا لـَقِيتْ َبْهَا إلاَّ ، كـْهُـول ٍ وشيبان ........................... طـَايْحِينْ بْخَلق الله يتشمتون فيها (عُمْدَه) مِتـْرَيِّشْ ، والبطن مليان ........................... غير الأعراس ما يجيب طاريها يِقـُولْ قـَلْبَهْ أخْضَرْْ!! وهُـْو يَبْسَان .......................... الخُضْرَهْ ولـَّتْ ومَا بَهْ مَاءْ يِسَاقِيهَا لو رفع براطْمَهْ ما وَرَاها أسنان ........................... وتراكيب (سوريا) الله يخـلـِّيـِها لا قلوبنا خضرا ، ولا بَها ألـْوان ........................... أبَدْ ، ما غير البياض سَاطـْع ٍفيها وش أبٍي بالعـُرْسْ والقلب عمران ........................... محَبَّة ْ أم عيالي ، ما شَيٍّ يدانيها وِدَّكْ تقول إني(مهندسْ ) جبان! ........................... من خاف من الدنيا يسلم بلاويها كلامي (يَعُمْدَه) أوزنه بميزان ........................... لاجْلَ الدعابه فِيكْ ِودِّي أجَارِيها هذا كلامي ، لو صيَّركْ زعلان ........................... منك السموحة ، والقلوبْ نصَفِّيِها أبْشِرْ بَالْحَقْ و(بوعبدالله) ضمان ........................... قـُمْ يَمْ خيمته ، غدَاكـُمْ وَالـْم ٍ فيها ********** تفضلوا ،، يالربع ،، 7 7 7 حياكم الله عند أبو عبدالله 7 7 7 على واجب العمده ،، ويعلمْ الله إن مقامه أكبر 7 7 7 تِمُّوْ ، تِمُّوْ ، الله يحيكم ،، 7 7 7 7 http://www.alhowaitat.net/attachment...1&d=1173352157 [/align] |
عدوياالربع علي واجب العمده
هذاحق للعمده من ابن عمه عبدالكريم حكموله الجماعه بحاشي بدون اي فتشه في ماحصل بينهم والعوم كلهابسيطه واصبحت القلوب صافيه ارحبوالله يحيكم اقلطوبالعافيه وبيض الله وجهك يابن العم ويكثر من امثالك صفيت القلوب وريحة الجماعه كلهم [move=up]الله والنبي يحيكم عندمن حيابكم[/move] |
[align=center]كثر الله خيرك يا أبا ياسر
ترى العمدة يستاهل واقول لعمدتنا الغالي لك حق تزعل ثم لك حق نرضيك ولكن يا ابا ياسر مانبيها صور ترى الجماعة يستاهلون (وخلي على ابوية نصه)[/align] |
كثر الله خيرك
وصح لسانك وعلا شانك ويستاهل العمدة كل خير تحياتي لكم بارق |
الغالي المهندس عبد الكريم
قصيدتك يوم كتبتها الظاهر في احد جنبك ههههههههههههههههه خذ الرد يا طويل العمر : فيك البقا و الطيب يا نســـــــــل عدنان ............................................. فداك الـــروح و النفس الكريمة و عزتها يالقلب الأخضر يالهواوي يا طير حوران ............................................ يا منوة قلوب العذارى و أسباب فتنتها يا عذابك الا صار القلب اخضر و و لهان ........................................... و يا عذابك من ام العيال و قوة سيطرتها خلها على عيالها يا ذرب الايمان .......................................... و خذ من الموديلات اللي تفرحك شـــوفتها و جدد مشاعر شوق ضمها النسيان ......................................... و امسح من دفاترك القديمة سطور صفحتها وانا و ابو عبد الله للشيبان عنوان ........................................ في سوق المساعدية العصر روحتنا و جيتها بين الغيد نمشي بصنعة و ميزان ....................................... مقبلين - مقفيين - و الكشخة ما وحدة عبّرتها يقولوا اني شايب منتف و كحيان ...................................... و انا شايف روحي جــــــمال الدنيا و ملحتها اما ابو عبد الله تراه رجال غلبان ..................................... وده بهوى البيض و خـــــــــــايف من حماقتها لعن ابو ابليسكم كلكم شيبان ..................................... و عجـــــــــايزكم من سنين منتهية صلاحيتها امشوا وراي على القسى و الليان ..................................... و ابشروا بالخــــــــــــير و بتشوفوا نهايتها و الله لأخليكم بآخر العمر عزبان ..................................... مثل معيد القريتين عــــــــليكم بتصير تاليتها و بكل جريدة و مجلة لكم عنوان .................................... مطلوب حريم مســــــيار و الله يحسن عاقبتها |
بصراحة الموضوع روعة الله يديمكم للمجالس
|
وين رحتم يالشيبان . مخلييني منتظر و رحتم مع عجايزكم
|
بعد انهيار الأسهم ارتفعت أسهم الشيبان :sm142:
الله يخليكم لنا متابعه بصمت |
[align=center]
******************************** ********************************[/align][align=center] اقتباس:
أو مخاوي جن ( والعياذ بالله )،،، إلا ،، ويش دراك وين رحنا ؟؟ ******************************** ******************************** السلام عليكم ورحمة الله وبركاته ،،، مساك الله بالخير يا (طويل العمر)،، أظن ،، والعلم عند الله ،، هذي أول مرة،، ، ، أوجهلك الكلام ،، مباشرة ،،<<<<<<<<<<<<< عيب عليك يامهندس ليش الخوف،، وأنا أخوك ،، كنت داير أجعجع ،، (وينك ياعمدة) ، (وينك ياعمدة) الله يسامح ، اللي كبرها في راسي ،،، ، ، وقال خش في العمدة بالعرض،<<<<<<<<<<< والله ما غير جبتها لنفسك وما حد ، حدك عليها ،، ، ، واستسمحك يا حضرة العمدة ،<<<<<<<<<<<<< (مسح جوخ)،، أبي أستخدم بعض عباراتك ،، واقول : ( لعنبو ابليسك ) ،، أنا تعبان لي أسبوع،، أدور ،، وأجمع من هنا وهناك ،، ويادوب جمعت لي (كليمات ) ورصيتهم جنب بعض ،، وضحكت على نفسي (ويمكن غيري) ،وسميت هالكليمات قصيدة ،، ويوم فردت العضلات ونزلت بهن السوق (سوق عكاظ؟)،، يجيني الرد منك بعد ساعة أو ساعتين بالكثير (ما شاء الله عليك ، عيني باردة)،، ، ، والرد ماهو قصيدة بس ،، إلا من معلقات شعراء الجاهلية،،<<<<<<<<< (أمحق ،، مثقف )،، وعلى قولة أهل مكة ،، إنت خابر إني معايشهم من زمن (روح ياشيخ ،، إنتا شيبة قدرتك على ربي) والحين ،، بعد المقدمة الطويلة ،، والله ياعمدة ،،، جلستك ما يمل منها ،، لكن ما راح تشوفني ، مباشرة (على الهواء) ، إلا نادرا ،، يوم يهفني الشوق !!! لكن ،، والله مااسيبك ،، راح أدور وراك في المجالس ،، ، ، وإن شفتلك تعليق أو مداخلة ،، أبي أضرب ضربتي وأهرب ،،<<<<<<< (من الجبن ،،الله ،، لايبلانا ،، )،، وأختم معاك يا(طويل العمر) ،،،،، بسالفة عن مقابلة (الشيوخ) ،، وش تسوي في اللي هم مثلي ،، يوم ذاك الشايب ،، يبي ( ذلول )،، وقال يطلبه من الشيخ مباشرة ،، ورفض أي أحد يتوسط له ،، ويوم دخل على الشيخ ،، تلعثم ،، ويا الله خرجت منه الكلمات ،، وقال : 7 7 7 يا طويـــل الــــذلــول أبـيـلــي عــمـــر ،،،،، 7 7 7 هذا علمي ،،، وسلامتكم ،،، [/align] |
السلام عليكم ورحمه الله
هاه ،، ياعمده ،، تخبر يوم مريت عليك ،، إنت وابو عبدالله ،، وبس ماسلمت عليكم ،، وجلست ، إلا وعدَّت ،، أختنا (ريتاج ) ،،وحيتكم بكل أدب ،، وانا ،، والله ما بدر مني غير رد التحية ،، وبعد ما أنا مشيت من يمكم ،، إلا وانت ،، تحاكي أبو عبدالله ،، وتجيب طاري القلوب الخضرا ،، وعلوم العرس ،، وتغمزني بالهرج ،،، مشكور أخي عبد الكريم مشكور يا عمدتنا لا عدمنا طلتكم العسل ريتاج |
ما قصرت اخوى عبد الكريم
بس ترى العمدة يوم رد كان شاب النار ويهوجس ومع العمدة ثق تماما بــأن آخر ما يشيب با الرجل قلبه تحياتى للجميع |
الظاهران العمده ياخوان خرف الرجال عنده اربع
وبعد لازال يتمشي في الاسواق بس الظاهران جمالات هانم رافضه انهاتعيش بالشق والرجال مجبور الله يعينه مشقرعلي ولده يقول ابوي يقلك الحق علي يم السوق قلتله قل ابوك يركد واشله واشل الاسواق الي ماوراها الي الخسياير و0000000000 ياعمده ياخوك خلك يم الحلال ويم الشق مالك ومال المدينه خلها وانااخوك لهلها |
| الساعة الآن 12:26 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL