عجـــــــب
 

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الا ياحظي العاثر تعبـت ابنـي عليـك امـال =انا متبع ضعـن مقفـي ولااحـن لمواصيلـه
ولاني طايع الدنيـا ولاباكـي علـى الاطـل =الولاعندي عتب مره على الوقت وغـر ابيلـه
بدو كنا ولازلنا نشيـل مـن الحمـول اثقـال =ولانشكـي بعـد حنـا اذا جـارت مثاقيـلـه
نعاندهـن ليالينـا اذا شفنـا الزمـن ميـال =ترا ماهمنـا عدلـه ولانخشـى بعـد ميلـه
نزلنا ديرة زانت واذا شانـت نشـد ارحـال =على صحرى الشرف نمشي مع البر ومداهيله
واذا برق لعج ضوه نصينـا مزنـه الهمـال =مشينا بالرياض اللـي تـروت مـن هماليلـه
قطعنا قفره الموحش تجاوزنـا حـدود الـلال =احد ينزل واحد تمضي عن الديـره مراحيلـه
وللضيف ان لفى تقلط على جمر الهشيم دلال =سلم كف الذي يركـي علـى نـاره معاميلـه
على نجر الضحى يلفو مسايير بـلا مرسـال =بمجلس فايـح بنـه سوالفهـم مثـل هيلـه
واذا يحكي الكبير اللي سواليفه حكـم وامثـال =زرع في جيلنا الحاضر فضايل كانـت بجيلـه
توارثنا الكرم حنا من اجيـال تجيـب اجيـال =ولانركـع سـوى للـي ترجينـا مخاييـلـه
واذا يغدر بنا الغادر نجيـه بشيمـة الابطـال =عوايدنا على الظالـم نـرد الصـاع ونكيلـه
عجب حنا على الشاشه نشاهد كل يوم اشكال =الا ياليتنـا نسلـم مـن المخـرج وتمثيـلـه
يصورنا على كيفه ويظهرنـا عـرب جهـال =وانا مدري بعد منهو عـن التاريـخ يرويلـه
واذا تعصف بنا الدنيا ترا نصمد صمود جبـال =تمـر الريـح وتعـدي ولاتهـده ولاتزيـلـه
وانا ودي (لبو طارق ) اقدمها كمـا الفنجـال =مثـل ماهـو يمتعنـا اذا قــدم فناجيـلـه [/poem]




للشاعر محمد فياض الدماني

صح لسان الشاعر محمد فياض الدماني
و شكرا لنقلك القصيدة اخي قرناس

صح لسان الشاعر

ونقل موفق اخى الغالى

تحياتى لك


الشهاب

صح لسان محمد الدماني
وشكرا على هذه النقله

اشكرم اخواني الكرام على المرور