|
الله من وقت تزايد همومه
[poem=font=",6,black,normal,normal" bkcolor="white" bkimage="" border="groove,10,black" type=2 line=1 align=center use=ex num="0,black""]
الله من وقتن تزايد همومه = وصارت هموم الوقت ماعاد تنطاق يقوله اللي ماهتنى بحلو نومه = تسهر عيونه غصب من حر ماذاق عزى لمن حده على الغبن يومه = اصبح سجين يمني النفس باطلاق بينه وبين الحزن ولفن يرومه = حاله سهر عينن وبالنفس خناق عن لذه المطعوم نفسه تشومه = بينه وبين الهم عهدن وميثاق يصبر على همه ودهره يصومه = لا صار مايجلى ظلامه باشراق لو يشكي الحاله لعقال قومه = ماحدن عذره وعاثر الحظ ينعاق الله يلوم اللي لحاله يلومه = من ينحرق ماغيره يحس باحراق والعلم مكنونه تعرفه قرومه = للعرف والامثال ناسن وتشتاق راعي المعرفه راس ماله سلومه = لوكان مايملك دواوين باوراق الصدر مضمونه وحافظ علومه = ماينعرض سلعه لناقد وذواق من غدر وقته ماخذ اكبر قسومه = في وقت ماظنه على الكيف ينساق [/poem] |
,’ الله يبعد عنآ وعنك الهم والحزن .. ومآ شكوى إلا لرب العالمين .. يعطيك العآفيه على النص دعوآتي لك .’ |
[align=center]كلمات تحمل في طياتها شكوى ومآساة
وهذا حال الدنيا ياصــــــــاحبي ! نص جميل ورائع لاهنت اخي ابو منار بدايه موفقه.[/align] |
صح لسانك يابومنار .. قصيدة رائعه ومشاركة اولى تبشر بجمال ٍ قادم ..
أعجبتني القصيده كثيرا ً واعجبني هذا البيت .. يصبر على همه ودهره يصومه لاصار مايجلى ظلامه بالإشراق صوره جميله توحي بسوداويه متغلغله دمت رائعا ّ .. |
[align=center]
[gdwl] ابو منار ياخيك لو فكيتها من الخطوط الي تحتها بالنص الاصلي كان ماطلعت معي الحروف الانجليزيه بالنص مثل ماتشوف؟؟؟ المره الجايه افصلها ب=ولاتحط خطوط تحتها واترك الباقي لأخوك وراح ارسلك اسهل طريقه للتنسيق نص جميل تشكر عليه [/gdwl] [/align] |
>لو يشكـي الحالـه لعقـال قومـه
ماحدن عذره وعاثر الحظ ينعـاق</U> <U>الله يلـوم اللـي لحالـه يلـومـه من ينحرق ماغيره يحس باحراق يعطيك العافيه ابومنار قصيده واقعيه في كلماتها ومعانيهاا |
الشكر كل الشكر اخواني نديم -الوصيف -عاشق الدله -الحاكم
ونقدكم وانطباعكم وتقييمكم هو مانسعى اليه والنقد الواضح الصريح البناء النابع عن رؤيه شعريه بعيدا عن المجاملات والاجحاف هو مراة الشاعر ومن خلالها يستطيع الرقي بنصوصه القادمه |
| الساعة الآن 02:11 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL