خفااااايف
 

السلام عليكم ورحمة الله وبركاته
صباح القشطة طايحن عليها ملعقة السكر للي يقرأ صبح
مساء الشقلاطه مفقشين عليها شوية مكسرات للّي يقرأ مساء
سوالفن خفيفه لكنه مفيدة وماهيب مفيدة .. وان شاء الله انها بتعدل مزاجكم شوي .. وتستانسون معها .. وخاصة اللي ماهوب جايز لهم السوالف الطويله وكثرة البربرة ..
ويحب (( خير الكلام ماقل ودل ))

{ خفايف تعدل مزاجك }

_ يوم انك تتغدى سمك بعد ماتصلي الجمعة له طعم ثاني ... وبعد ماتعبي كريشتك من الهامور وتأخذ لك صكة بلايستيشن مع بزران اخوانك الصغار ويهزمك اصغرهم 5 _ صفر ماتزعل لأنه له طعم ثاني .. تغلط وتنسى انك مآكل سمك وتروح للبقالة وتأخذ لك لبن مراعي كبير يقال انك بتهضم من زود الدلاخه ويصيبك تسمم وتنصرع عل اخوانك بالمجلس قدام الضيف ويشيلونك مع كراعينك ويدينك وانت رأسك متدلي ولسانك على جنب تصارع التسمم ويودونك للدختور ويطزك بأبره قبل لاتروح فيها وتقوم بالسلامة ولله الحمد وتحرم تأكل سمك انت وخشتك لأن له طعم ثاني .....

_ فنجال وعلوم رجال .. احلى فنجال قهوة وانت جالس على جنب تتابع مباراة المنتخب السعودي مع صديقك المدلل على الكنب وانت منت متعود على جلسة الكنب مغير رجيلاتك اللي كلهن شعر وجروح متفطره من جبال الديرة وكل شوي تحاول تقوم تنزل فالثوب تبي يغطي سيقانك وماسك الفنجال بكل جلافه وتشرب قهوة بشراهه كنك ضميان .. وخويك المدلل جالس بكل اناقة وجنتله ولابس ازين ملابس ومدلع نفسه شراريب وملابس كشخه وحاطن رجل على رجل وماسك الفنجال بكل انسيابيه ويشرب رشفه رشفه .. وتدخل عليك اخته بحلا التوفي وتختبط ويطيح منك الفنجال من الخرعه وتتغطى بشماغك تحسبها داخله بالغلط .. واخوها يضحك عليك ويقولك لا عادي هذي اختي ليندااااا .......................

_ زوجوه وافتكوا من شرّه ... تسمعها وانت ماشي مع السيب اللي بجنب غرفة الحريم ام صالح تقولها لعجيزك وتلعب براسها عشان تأخذ بنتها صالحه وتولف عليك من الأتسذاب والتهم الملفقه ومغازلة بنيتها المصون وهي جايه من الخياط كل ذا عشان النظره الخطأ اللي قزيتها بها وهي تمد عليك كم بصله من ورى الباب ذاك اليوم يوم غلق عندكم الغاز ... زوجوه وافتكوا من شرّه .. ابو ناصر << مسمّي نفسه ابو ناصر وهو مايخلف الا بنات << يتفاول خير .. عنّسن البنات وصارن كبر امك ولا احد جاهن وخطبهن ويحاول يتقرب منك ابوهن ويسلفك زي ماتبي قروش ويضيفك كل يوم غداء وقهوة وشاهي وبيبسي دايت ويدخلهن عليك باللغلط يقال انه يهاوشهن وانهن داخلات باللغلط وانت فاتحن فمك ماتدري وش تحس به
ولاينفع معك وتلقاه اليوم الثاني عند المسجد مع ابوك بعد الصلاة يقوله انه شافك تتن ورى الحنفية ويطالب بتزويجك عشان تعقل خخ ... زوجوه وافتكوا من شرّه .. جالس في العصريه مع براد الشاهي وتغمس ببسكوت ماري وتتصفح اخبار اليوم بالجريده ماتخلص من الجريده وتحطها بالأرض الا وقدامك ثلاثه نفر ( ابوك وامك واخوك المطوع ) يناظرون فيك وانت صايبك شك وريبه من انك بتذوق الكف بعد ثواني .. وتقمز مع اول كلمة من ابوك على بالك الكف ويقولك: ياوليدي انت كبرت واللي كبرك تزوجوا وانت ماشاء الله ماناقصك شيء متوظف ومستصح ومقتدر ووو .. ماناقصك الا بنت الحلال اللي تترس عليك البيت جرابيع صغار ... وانت تختار اللي تبيها بنخطبها لك ....... واــنا آآآآآآصيييح بصوووت قووووي تقال صافرة انذار ( زوجوني وفكوني منهم .......!!! )

_ ياسلام لا اختبارات ولا شيء ... ياحلو جوك وانت ماعندك اختبارات ومتكوي على فلم مصري جدييد البطل يموت اول خمس دقايق خخخ عمركم شفتوا فلم البطل يموت اول خمس دقايق ومعك فصفص ومكسرات ومتابع بحماس للفلم على بالك فيه احداث وهي نفس الأحداث اللي نتابعها بكل افلام المصاريه واحد يتعرف له على وحده ويحبها بثاني مشهد وابوها الغني ماهوب راضي لأن الولد خايس ومن عيله ئليله ويدخلون بمشاكل وفي الأخير يخطفها ويتزوجون غصبن عن ابو جدها .. واذا تسسعل الممثل : ليش احداثكم مكرره يقولك : المخرج عايز كده ... واخوانك يكرفون بهالكتب وانت تأذيهم بكل وسائل الأذيه من الوناسه اللي شاقتن صدرك .. مرة تجيهم داعس طبلونك وتسحب جلنطات على دفاترهم وتهج .. ومرة تطفي النور وتنسدح وسطهم يقال انه جاك النوم الساعه 6 المغرب .. والا تقعد تقابلهم بركن الغرفة بسندوتش الشاورما ومكثر الهمليز والشطه .. وتأكل حبه حبه تبي تزل نفوسهم بسندوتش الشاورما اللي يقوطر همليز وهم متابعين بتركيز معك عبالهم معادلة حسابيه غير ممكنة الحل ... وانت جالس تشرح لهم معادلة الشاورما مادري الا اللي صانك بفنجال قهوة على راسك منشب نص الفنجال براسك وماتدري الا الشايب بسروال السنة والفنيلة العلاقي وفي يده الباكوره واقفن على الباب يبي يسمع لك جدول الضرب خخ......

مع حووووبي ,,,

رد: خفااااايف
 

رد: خفااااايف
 

واقفن على متصفحكس ميتن من الضحك
قصيمي مبتدأ ولكن أتحدث العربية الفصحى بطلاقة
متميز بروعة حضورك وطرحك الكوميدي
تقبل مروري وتحياتي

رد: خفااااايف
 

هههههههههههههه
الله يرجكم
بس صراحة عجبتني بتاعة السمك يم يميمممممممممي



يعافيك ربي

رد: خفااااايف
 

الله يعافيه يالغالي ..

مشكور على طلتك ..



تحيااااتي ..

رد: خفااااايف
 

هههههههههه

حلوة حكاية الاختبارات

وااااي احلى شعور لما تشوف ناس تذاكر وانت ما عندك شي

ولو صار العكس أمووووت من الحرة


تحدوووووه
يعطيك العافية وعساك على القوة



بحة الشوق

رد: خفااااايف
 

هههآآآآآآي
خفاآآآآآآآآي رووووعه
و اللهجه الي كاتب فيها اروع>>>خخخخخخ
سوآآآلف تهبل
يسلمو

رد: خفااااايف
 

هلا والله بقلبن وعيوونن ..

دووك :wilted_rose: هذي بلاستيك لك ولي الزمن

مشكور يالغالي على طلتك هوون ..



تحيااااتي ..

رد: خفااااايف
 

الله يعافيك .. الظاهر انتى من حقين السمك ههههههههه

مشكوره على طلتك ..

اكيد الواحد يحب يشوف نفسه فااضي ويقهررهم ..

عشان هيك لا تقهري احد عشان لا يجيك يوووم ..

مشكوره على طلتك ..

تسلم روحك ..

الاروع مرورك هووون ..


تحياااتي