|
مات الجمر وقلوب الاحباب حيه
هذي قصيده سمعتها واعجبتني وحبيت انقلها لكم وهيه للشاعر حمد السعيد لعلها تنال اعجابكم مات الجمر وقلوب الاحباب حيه ... والموت لا ماتت قلوب الحبايب ياشيشتي لو فيك ذنب وخطيه ... معاك احس اني عن الناس غايب العام كانوا لي من الاصحاب ميه ... وقت الرخا لكن جفوا بالنوايب لاهنت يا قلبن شكى من خويه ... كم راس من طعنات الاصحاب شايب مرات اقول ان الخبل يا هينه ... ولقيتهم يشكون ظلم القرايب ومرات اقول النذل لا رحم حيه ... واثر النذل في بعض الاوقات صايب يا نفس شيليها على السامريه ... شيلة طرب ماعاد فيها طلايب وش لي بتنبيه القلوب العميه ... وحنا في هالدنيا دروب وركايب ابتغزل في هذيك البنيه ... بنت تفل القلب فل الذوايب كم بعثرتني واجمعتني هنيه ... بنفس المكان اللي جمعنا غرايب يا ضعفها معهم وعندي قويه ... منها غدا ثلثين قلبي خرايب مرباعها بين العيون الشقيه ... ومقيضها بين الجروح العطايب ما اقول يذبح زينها بس هيه ... تلفت لها قلب عن الحب تايب ولا اقول مغروره ولا هي خليه ... فيها دلع طفل تبناه شايب جمال نجد وفتنة حايليه ... وش جمع الثنتين فيها عجايب اليا اقبلت بين احسنات وسيه ... ياكثر ذنبي بين طيب وغصايب واليا ادبرت في دمعتين نديه ... قلب معاها وقلب في الصدر ذايب راح العمر ما بين روحه وجيه ... ياكثر غلطاتي ولاني بهايب شب الجمر مادام الاشواق حيه ... وطف العتب والعمر ضحك ونصايب دمتم بأسعد حال |
صح لسان شاعرها
ويعطيك العافيه يا حماده على النقل الرائع |
اقتباس:
الله يعافيك خيووووووو اسعدني تواجدك نورت |
راح العمر ما بين روحه وجيه ... ياكثر غلطاتي ولاني بهايب
شب الجمر مادام الاشواق حيه ... وطف العتب والعمر ضحك ونصايب رائع ما نقلته إني خيرتك فختاري وخاصه من شاعرنا الكبير حمد السعيد الله لايحرمنا منك |
اقتباس:
يا هلا اخوي ولا يحرمنا من طلتك الحلوه اسعدني تواجدك نورت لا عدمنا هالطله |
| الساعة الآن 04:17 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL