الشبكة العامة لقبائل الحويطات - المنبر الاعلامي و المرجع الرسمي المعتمد

اعقول ما تثمر ولو تثمر نباتات القرم
أي والله ان كل البشر تفرق ابعقلياتها

قالوا العرب الاثرم اللي طاحت اضروسه ثرم
وانا اقول ان الثرم واقع سلوكياتها

تُحسب علي الكلمة اللي قلتها يا محترم
زكيت نفسك للأسف ما شفت سلبياتها

يلي بتنصحني بلاسلكي انا جاني طرم
وانا كرهت إمن النصيحه سنفوانياتها

ما فيه اقذر من تطّفل يستفز اهل الكرم
ناس ٍ تناشب لك وماهي من صلاحياتها

وش ذنب شعري دامني شاعر على راس الهرم
فلترت عقل الابجديه فوق شكلياتها

والعالم اللي تبهت الفطره وهي وسط الحرم
حرام تحرم دامني بآطى على حيّاتها

من حقن تجميل القصايد والشعر مثل الخُرم
كبْرت صدور ٍ واطفحت من بين صدرياتها

واتهكرت نصف العقول وقشّها السيل العرم
قلعه ورى ودرين أكبر عبرة ٍ بآياتها

جلد القلم والذات ما خلّى لإقلامي جُرم
إلى هنا يكفي تدخّل في خصوصياتها

لو العرب ثارت قبل ما ينتشر كل الورم
ماظنّ تقدر هالأمم تلعْب بنفسياتها

ورق مقوّى كيف صرنا والغُنم نفس الغُرم
لا فائده لو احسنت كل العرب نياتها

طبطب على ظهر العروبه قبل ما تُزرم زرم
دلّك جميع اعصابها إو إعكس إمراياتها

تبقى الدما إهيا الدما وخيوطها فتل وبرم
والوقت لا قام وقعد يضحك علحكاياتها

الجمبزه نفس التزلج والطحن نفس الفرم
وش فرق كانا يا شعوب الضاد عن خياتها

لو قبة الصخر مثل ذات العواميد الإرم
لاقامت امجاد العرب ولىّ ارقصت ناياتها

مليت انا يا أمُة الرجل المريض أمن الهرم
يعني نموت احسن بلاش انشوف قومياتها