ردي عليكم بعد رد السلاما =يلي تقول الي فقدنا عقيمين
فكرمعي مدام هذ االنظاما=مادامه من ربعن قروم وحكيمين
طاح الصقر والبوم بالجو حاما=ومن بكره الفاره تطير بجناحين
ومعاد بل جربوع تلحقه الملاما=محمي مع الارنب وديك القطاعين
الوقت يخلط بين عاما وشاما=مدري عبيد الناس ولا سلاطين
تغيرت كل العلوم القداما=الشيخ من يملك رصيد وملايين
والطيب مات ولابقى الا العظاما=والجود فازوبه رجالً قديمين
واما الكرم محشي وخبز ويداما=عقب المفطح مع جزور البعارين
وبيت الشعر ما عاد فيه المقاما=يبنى بوسط الحوش بين الجدارين
منظر ولا هو مدهل لنشاما=شيشه وتربيعه ولعبة شياطين
وليذن المذن يقوم ويناما=وتلقابه النسوان ولا الوراعين
راحة الدلال وشبتن بل عساما=وراح الهوند الي جمع كل غالين
واليوم طاحونه بيد المداما=وثلاجةً ماقدموها الكريمين
اقول؟ولا بس هذا تماما=لا سار بعض الناس ماهم بدارين
ولا عاد تنشد عن علوم النشاما=مادام كل الي فقدنا عقيمين