الله من قلــب ٍ بدت بـــه طـــواري = تسعين مع تسعـين مـع مثلهــنا
بأقصى الضماير حافرات ٍ خباري= والنوم عن عيني له أيـام عـــيا
وجدي على اللي غيرته الليـــالي = الصاحــب اللي خوتــه ماتخـــلا
مثل الذهب بين المعادن وغــالي = لاصار فرز وكــل معــدن يصــفا
أنا أشهد إنه كاســــب ٍ للمعــالي = راعي وفا والطيب ساسه ومبدا
ماهو كما اللي عايش بالخمـالي = اللي عن دروب المراجل يصــدا
يطلع مطاليـع العـــلا بالهــذاري = بين العذارى حاجـز ٍ لــه مكــانا
لو هو ولد عمي وعمي وخـالي = هــذاك أنــا يانــاس منــه اتبـــرا
ياصاحبي دلوي متين الحبـــالي= ولا فيه يوم ابِــير غيــري تعـــدا
أما على طيب ٍ يحــل المجـــالي = والطيب لي مبــدا ولــو ماتهيـــا
ولا فيه به غالي تقشـر بغـــالي = أنا أذكــر المــولى على ماتـــبدا
الظن يرمــي صاحبــه مايبــالي = إما وقــع في طيـــب ولا بشـــرا
ورفيقك اللي دوم عندك موالي = إدمح خطاه وكــل جـــرح ٍ يبـــرا
هـذي وصيـــة قبلـــنا للعيـــالي = والمســعد اللي في ذراها تقـــدا
تمت وأصلي عد وبل ٍ همـــالي =وعداد ماطيـــر ٍ يغـــرد وغــــنا
على نبي الله كريـــم الخصـالي = الهادي الماحي بالإسلام شـــرا

المشاركة الأصلية كتبت بواسطة ابو اسامه (المشاركة 281101) [align=center]والله مااعرف للتنسيق [/align][align=center] ومشكور على مرورك والتنسيق [/align]

صح لسانك
ابو أسامه
ويعطيك العافيه على القصيده الجزله