الشبكة العامة لقبائل الحويطات - المنبر الاعلامي و المرجع الرسمي المعتمد

على الوتر

يالهم لوانك مع الناس رجال
ابقتلك واريّح الناس منك

لك صوله وجوله ولك وجه واقبال
واشوف وجه القهر في ضحك سنك

يا هم اعرفك مدرسه عبر الاجيال
وانك على مر السنين المحنك

عشمتني بين التعاسه والآمال
وصدمتني قبل انشد الناس عنك

على الوجع

الهموم السود يا عبر الاثير
ازبنوا وجهي وفيني قد جلو

السنه هاذي عبوس ٍ قمطرير
ما لها قيمه ولا طعم ٍ حلو

والوكاد الهم صاير لي خشير
يستغلْني ظُلم وادفع له خلو

يرحم الله كل صاحب فيه خير
لا تضايق صاحبه دق له ألو

والرجال اللي تنير وتستنير
في رحاب الدِين شدو وانزلو

التقشف والزهد واهل الحصير
اكلهم من كدهم لا من كلو

والحياه هذي مثل حبل ٍ وبير
والبني آدم مثل تلّ الدلو

والذي نفسي بدينه استجير
ما يخليني اذا العالم سلو

اشهدانها ركعة الثلث الاخير
ترفع الانسان لا آخر علو

ديننا تيسير ماهوب العسير
لا تقصر فيه لا تغلي غلو

وامسكه إمن الوسط يوم ٍ تسير
والخطا كل الخطا لا قلت لو

وان جهلت الشي صلي واستخير
واحمد الله دام هالناس ابتلوا