الشبكة العامة لقبائل الحويطات - المنبر الاعلامي و المرجع الرسمي المعتمد - {يموت النومٌ في غيآبك و يخلق لـ السهر"ميلآد" }

- منتدى المنقولات الأدبية (https://www.alhowaitat.net/forumdisplay.php?f=19)

- - {يموت النومٌ في غيآبك و يخلق لـ السهر"ميلآد" } (https://www.alhowaitat.net/showthread.php?t=32661)

{يموت النومٌ في غيآبك و يخلق لـ السهر"ميلآد" }

من عيوني .. .
لا توصيني عليك !
لانزل دمعك حبيبي ،
بـ أمسحه .
حتى ( قلبي ) لو لقيته .. .
ما يبيك ؟
قبل لا يجرح شعورك ،
بـ أجرحه !
كيف ما أكتب كلام الحُب فيك ؟
عطني عيب بـ قلبك ،

وما أمدحه

.

،’

دخيلك ما أبي تبدي السنه هذي جروح جداد ،

....................... قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :

....................... معاك أضيع وفي عز الكلام أقول : من قدي ؟

خبر عنّك يدمّرني ويشتت كل ( حروف الضاد ) !

....................... حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .

....................... فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،

....................... أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،

....................... يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،

....................... غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :

....................... شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..

....................... يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..

....................... حزين اليوم أطالع [ صورتك ] وإيدي على خدي !

ياللي ربّي في جمالك مبتليك !
إنت في
قلبي [ ورود ] مفتحه .
ويل منهو من ورى عيني :
يجيك ،
كل من فكّر ( يضرك ) بـ أمسحه .. .
دام صرت أغلا البشر لي ؟
ماعليك ،
إللي يلمِس لك طرف ؟
راح أذبحه !

رآقت لي

ذيب الشوامين