((عبسي الدمرداش )) ^_*
 

قصة حياتي


(( حدثت احداث هذه القصه في الفتره مابين 1922 م و 1966 م ))


المكان : في ديرة ام قليب في الصمان



انا عبسي الدمرداش حبيت اقول لكم قصه حياتي اللي كلها مآسي وعذاب

علشان الاجيال القادمه تاخذ منها العضه والعبره ولا ياكلونها في لحيتهم زي ماكلتها انا

اول شي انا انولدت في ديرتي اللي هي ديرة ام قليب في الصمان عام 1922 م في فترة القحط

اللي مر على الجزيره العربيه
http://www.kll1.com/vb/uploaded/82_1172508313.jpg

ياعيني على حبة الخال

كان الناس في وقتها عايشين في فقر وجوع وتعب


مايلقون شي ياكلونها وصار شي طبيعي ان يقولون فلان الفلاني توفى من الجوع


كان كل شي مسمووح اكله من عقارب وديبان وحصانيه (( الحصني : فرخ الذيب ))


الناس عايشيين في خيام مرقعه بخياش


لكن انا انعم الله علي بشايب مخه مفتح يعرف وشلون يصرف امووره , الوالد كان من اكبر هوامير الديره

في مجال الغنم وملحقاتها من تبن وشعير وبرسيم

كان عند الوالد غنم يسد عين الشمس


كان عنده ثلاث الاف راس


راس ينطح راس


وفي وقتها كان الراس الواحد غالي مره يعني مثل السياره في وقتنا هذا


وكان ابوي الله يحفظه في بداية حياته ما أعرس ولا تزوج لين وصل في عمره الاربعين سنه


وعلشان يعوض ايام شبابه

تزوج اربع حريم في ليله وحده


وجاب من الورعان الواجد


حتى انه اضظر ابوي انه يسوي كل شهر محضر جرد علشان يعرف من اللي مات منا ومن اللي بقي حي


وكنت انا الدلوع لان امي هي الحرمه الرابعه

(( عاد مايحتاج الحرمه الرابعه هي الجو الخاص ))

كنت يومني صغير مارضع الا حليب قواطي انواع واشكال


مرتن حليب بطعم التمر ومرتن حليب بطعم المرقوق


يعني اوضاعي اوضاع مهيئة للفله والوناسه
http://www.kll1.com/vb/uploaded/82_1172755735.jpg

واصبحت مصدر حسد للوراعين الثانين

وكانوا كل مايشوفون معي رضاعتي يجوني مشوتين الوراعين و يقولون عطني جغمه عطني جغمه


عيال فقر ماشافوا نعمه

كنت وقتها مالي ربع لاني شايف نفسي عليهم


وكل ماشافوني ومن زود الحقد في قلوبهم قاموا يحذفوني بالحصا

ومنين تونس مره يطبقون الحصاه على راسي ومرتن على ظهري


وعلشان كذا كان ماعندي ربع


وحطيت حرتي بالالعاب ماتجي لعبه جديده الا وانا جايبها
http://www.kll1.com/vb/uploaded/82_1172755830.jpg

لكن للأمانه ماكنت العب فيها ابد

بس اجمع وراعين الحاره واحط الالعاب قدامهم واخليهم يشوفونها

بس عاد انا استمتع بنظرات القهر اللي ترتسم على عيونهم

ايه على طاري الالعاب ذكرتوني بلعبه في وقتها ضربت السوق عندنا لعبه وش زينها وكانت غاليه مره


وقمت اصايح عند ابوي الين شاراها لي


وكان اسم اللعبه

(( مطفووق الطرازاني ))


بس ماعرفت وشلون العبها ثم نطلتها في اليوم الثاني
http://www.kll1.com/vb/uploaded/82_1172758933.jpg

طبعا كل ذا العز


يبي له سكن برستيج

وماقصر ابوي شارله قصر وش طوله وش عرضه


غرفتي بس كبر نص الحاره
http://www.kll1.com/vb/uploaded/82_1172755897.jpg


نسيت اقولكم شي مهم انا يومني كنت صغير


كانت الوسامه تنز من شقوق جبهتي


كانوا يقولون لي انت مولود في عصر غير عصرك


حتى ايام ماكنت اروح مع ابوي البحرين علشان نجلب غنم من هناك


كانو يقولون لي البحارنه ياربيه وش حلاوته صغينون

( لا لا . يعني هو حلو صح )
http://www.kll1.com/vb/uploaded/82_1172755966.jpg

تسألون ليش انا داق تحيه


انا من يوم اني صغير وعندي حس بالمسؤوليه الله لايخليني من نفسي


وعدت ابوي اني كل سنة اصور لي صوره وادق تحيه علشان اثبت له اني قد المسؤوليه

المهم يومني انتصفت في العمر يعني حروه العشر سنوات


ابوي ارسلني للبحرين علشان ادرس هناك لان في وقتها ماكان عندنا مدارس

ومن المواد اللي كنا ندرسها


مادة فك الخط وذي الماده غثيثه


عجزت انجح فيها
http://www.kll1.com/vb/uploaded/82_1172756029.jpg
وذي الماده الثانيه مدري وشهي بس فيها رسمات وخرابيط
http://www.kll1.com/vb/uploaded/82_1172756071.jpg
ويوم شاف ابوي ان ماوراي طب في الدراسه قرر انه يجيبني


لانه يقول انه فتحت مدرسه عندهم وسجلني فيها


وكانت اسم المدرسه

(( مدرسة علووم الرجال))
http://www.kll1.com/vb/uploaded/82_1172756125.jpg

كنت في وقتها طالب نجيب ومن افضل الطلاب في المدرسه


وكنت مؤدب مره

والاول على صفي


وهذا بشهادة مدير المدرسه اللي مايشوف في الدنيا زيي


لكن لظروف اجبرتني على ترك المدرسه


ولا المدير حاول معي ومع ابوي علشان يخليني اكمل دراسه

لكن مالله اشاء

وهاذي صوره من شهادتي
http://www.kll1.com/vb/uploaded/82_1172756235.jpg

الى الحين حالتنا الماديه عال العال

وماعلينا قصوور


الين جاء ذاك اليوم اللي هو بداية نقطه التحول في حياتي


يوم خلاني الوالد ارعى في الغنم


وجانا في ذيك الفتره مطرة ارتوت الارض منها


وقلت في نفسي ياولد ليش ما ترعى في بطن الوادي


واخذت البهم ورحت لبطن الوادي


وللمعلوميه انا اول مره يسند لي الوالد بمهمة رعي الغنم


لانه دايم يقول لي انت ماعليك تكله اتكل على حمار اشهب وعرج ولا اتكل عليك


(( بس وتحت ضغوط من (( امي

وافق وخلاني ارعى الغنم الحالي


ويوم اني انتصفت في الوادي الا يوم الغنم تراكض مدري وش سالفتها ثم طمرت في المويه

(( كنا في وقتها في قيظ وحر ))


المهم انا انخبصت مدري وش اسوي


واطمر مع الغنم في المويه واطلع لي نعجه هي الوحيده اللي بقت من الغنم


واسحبها للبر


واشوفها ما تنفس واسوي لها تنفس اصطناعي ثم انعاش قلبي

وطول الوقت على ذا الحال

بعد عشر دقايق


مابقى ولا غنمه قصدي ولا راس من الغنم


كلهن غرقن عن بكرة ابيهن
http://www.kll1.com/vb/uploaded/82_1172756308.jpg



رحت لابوي في البيت وعلمته السالفه وطلعت


ولادعي لذكر التفاصيل بين دخول البيت والطلعه منه


انا تشردت ورحت في خرايط والدينها


ابوي ترك الدنيا كلها وحط حرته في شيشة ام زغلول
http://www.kll1.com/vb/uploaded/82_1172756347.jpg
اخذت انا امي واخوي الصغير وهجيت من الديره


واستاجرت لي خيمه لين الله ييسرها
http://www.kll1.com/vb/uploaded/82_1172756396.jpg
رحت دورت لي شغل الين الله وفقني في شغله زينه وراها مكسب طيب


طبعا تذكرون يوم اقول قبل كم سطر اني وعدت ابوي ان كل سنة اصور لي صوره وانا داق تحية

علشان ابين اني قد المسؤوليه
السنه هاذي صورت لي صوره ودخلت التوقيف من بعدها


وانقطع رزقي جعل الله يقطع رزقهم

(( قولوا امين ))
http://www.kll1.com/vb/uploaded/82_1172756495.jpg
ومن بعد ماطلعت من التوقيف اسودت الدنيا بعيني


لكن لقيت لي شغلة زينه في سوق الغنم اللي جنب الخيمه

(( لمزيد من التفاصيل راجع الكروكي ))

اشتغلت في احد حوشة الغنم

وسلم لي راعي الحوش عهدة سيكل اقضي فيه مشاويري
http://www.kll1.com/vb/uploaded/82_1172756576.jpg
لكن الى الحين احس بتأنيب الضمير


علشان كذا قلت لازم اعوض عن اهلي


ومرت الايام والسنين


لكن فكرة اني ارجع ايام العز الين الحين في راسي



وانا في غمرة احزاني طرت على بالي ذكريات الزمن الجميل يومني ورع
http://www.kll1.com/vb/uploaded/82_1172756650.jpg
اااااااااهين ااااااااااه يالورا


تشوفون لورا اكبر مني


لكن الحب مايعرف صغير ولا كبير

(( ياعيني عليك ياعنتر ابن الملوح ))

الوكاد اني سمعت ان ابو لورا تاجر معروووف


وكان يعزني يومني صغير


قلت في نفسي ياولد رح وكمل نص دينك ومنها تعيش اهلك في خير ونعمه


علشان اعوض عليهم حياة الشقا كله

المهم كلمت معزبي علشان اخذ منه موتره واروح لبيت لورا واخطبها من ابوها


وماقصر المعزب عطاني الموتر


ويوم اني شغلت الموتر الا البنزين تحت الربع ومشوراي حول الثمانين كيلو


قلت لازم اعبي ديزل


اول مامسكت الخط السريع والقى لي محطة اليمامه


واصفط فيها
http://www.kll1.com/vb/uploaded/82_1172757222.jpg
وافلل الموتر بنص ريال الله لا يخسر وامسك الخط وانا مشغل اغنية بشير حمد شنان


(( ياراكبين الشفر ردوا حبيبي علي يا ))
http://www.kll1.com/vb/uploaded/82_1172757425.jpg
ويوم اني قربت من قصر لورا والقى لي ورع يغسل سيكله من موية في الشارع

قلت وليش ماغسل انا الموتر بعد لان الموتر امتلى تربان وغبره


واصفط جنب الورع واغسل موتري
http://www.kll1.com/vb/uploaded/82_1172757573.jpg
ويومني غسلت الموتر واروح لقصر امورا


وقلت له ابي اخطب لورا


وقالي ياولدي حنا ماهمنا الفلوووس والجاه والعز حنا شارين رجال


نبيك تاخذ بنتنا بس المهر غالي تقدر عليه ؟؟


قلت وشهو المهر ياعمي انا جاهز باللي تطلبه


قال المهر جايزة الشيخ حريص بن حبيش


في سباق التحدي والقدره للحمير


قلت ابد عندي وانا ابو هندي


وفعلا شاركت في المسابقه وبقدرة قادر فزت في المسابقه
http://www.kll1.com/vb/uploaded/82_1172757693.jpg
ويوم اني جبت الجايزه مهر لورا


واعطيه عمي


وقال عرسك الخميس الجاي ليله الاثنين


جهز عمرك


قلت الخميس ليلة الاثنين !!!
طيب
المهم وارووح اتمشى في السوق علشان اشتري كسوة العروس
http://www.kll1.com/vb/uploaded/82_1172757914.jpg
شريت الكسوه وقبل لا اطلع من السوق اشتهيت لي كولا خام

(( الكولا في وقتنا يجيك طحين تاخذه وتحطه في مويه ولا في حليب وتخلطه ثم تشربه ))
http://www.kll1.com/vb/uploaded/82_1172757994.jpg
ويوم اني ضبطت امووور عرسي


وكل شي تمام التمام


طبعت لي كروووت للعرس واوزعها على الجماعه علشان اعلمهم بليلة العرس
http://www.kll1.com/vb/uploaded/82_1172758060.jpg
وجاء اليوم الموعود

وزفوني للقصر وياخذوني ويدرعمون فيني يم قسم الحريم

واجلس على الكوشه

انواع الاحراجات http://my.alfrasha.com/images/smilies/blush.gif


ماغير امشي واتعركب ببشتي


والحريم يضحكن علي

المهم


بدا العرس والحريم يرقصن وفالتها اخر فله
http://www.kll1.com/vb/uploaded/82_1172758103.jpg

ويوم خلص العرس واخذ لورا يم الدوادمي علشان شهر العسل


وحنا نروح يم السوق علشان نشتري نتقضى قبل لا نمشي للدوادمي


لكن اكبر غلطه في حياتي يوم رحت للسوق ياليتني

مارحت انصدمت واسودت الدنيا في وجهي
http://www.kll1.com/vb/uploaded/82_1172758202.jpg
انا وش اسوي بعمري


ولا وبعد العرس بيومين بس


يافري جيبي فرياه

المهم وانطلها في الشقه


واخذ لي عسيب نخل وامعطها وحده وحده واقول اطلقها ماطلقها اطلقها ماطلقها


واروووح اتمشى في الشوارع بجمسي

واروح لابو لمعه خويي في داخل الديره واشكي له الحال


وقال ولا يهميك ياخوي


تبي تنسى همومك


قلت ايه


قال عندي زقاير(( ابو بس )) توها جايتني خذلك زقاره وتنسى الدنيا بعدها

قلت طيب عطني من زقاير ابو بس

(( زقاير ابو بس دخان يعرفونه الاولين يجيك البكت مرسوم عليه قطو اسود ))

والغم الجمس كله زقاير من الصدام للصدام


طبعا للاستخدام الشخصي

واتمشى واطق لي زقاره


واروح للحي الشميسي

(( كان حي راقي في وقتها ))


وامر من عند الدوار حق الطريق السريع


بالعاده اطلع يسار من عند الدوار وادخل على حيي الشميسي


لكن بالغصب طلعت يمين
http://www.kll1.com/vb/uploaded/82_1172758342.jpg
:

والقى نقطه تفتيش من بعد ماتعديت الدوار


(( عاد انا ملغم الجمس زقاير ))
http://www.kll1.com/vb/uploaded/82_1172758690.jpg
قلت معصي اوقف


لان معي عشرين بكت دخان والحسابه بتحسب والحسابه بتحسب


وكل بكت فيه عشرين زقاره والحسابه بتحسب والحسابه بتحسب


وعلى كل زقاره عليها سنة سجن والحسابه بتحسب والحسابه بتحسب


يعني محكوميتي على بعضها اضرب عشرين في عشرين يطلع لحظه شوي


20
X
20
________
00
40
400


يعني المحكومية على بعضها اربع مية سنة

وتبوني بعد اوقف


المهم وانتف ابو جدهم بالجمس


وانحاش

ويبلغون علي بالكنود


ويطاردوني يمكن عشر جموس شرطه

قلت ياولد وش السواه


المهم وارووح لحارتنا ويوم شفت الدعوه خربت واصفط على جنب قريب من الشقه


وانزل ومعي العجرا قلت يمكن انهم يخافون ثم يتركوني في حالي


بس تجمعوا علي حول خمس وعشرين عسكري وهم اللي يرضوني ويرضوني

الين عضيت الارض


انا يوم انزل عليهم بالعجرا مادريت انهم تكارنه , ولا لو اني داري انهم تكارنه

تسان قضبت ارضي
http://www.kll1.com/vb/uploaded/82_1172758626.jpg
ويركبوني الجمس ويدوني للقسم



ويحكمون علي سجن اربع مية سنة

وهذا عام 1966 م



والى يومكم وحنا في 2007 وانا اقبع خلف اسوار السجون

ادعي ان الله يفك كربتي يارب العالمين


والحين باقي من محكوميتي 359 سنه


واللي وده يزورني ويسولف معي


الله يجزاه خير


الا بشروني لورا وش صار عليها عقبي يقولون انها اعرست


وجابت وراعين ,

اللي يعرف لورا يوصل لها قصيدتي


ياعسكر بلغوا سلامي من ورا السجون

لبنت في أعالي جبال الطويق موطنها

يابنت انا من جور الزمان علي مغبون

وانا اللي بالمشاكل دايم احب امتحنها

يحسبون الغبنه على السجن تراهم مايدرون

ان اللي انسجن القلب ولورا هي من سجنها
http://www.kll1.com/vb/uploaded/82_1172759894.jpg




http://www.kll1.com/vb/uploaded/82_1163594278.jpg

خلصت القصه شفتوا الحظ ياحرام الله يعينه



انا مت من الضحك قلت انقلها لكم عشان تضحكون وتنبسطون

.: منــقولــه :.


.
.
.
.
.
[glow1=0000CC]وعلى درووب الخــير نلــتقي أحبــه[/glow1]

ههههههههههههههههههههههههههه

والله إنك تهاويل ياعبسي

بس وين عدنان ولينا والقبطان نامق وباقي الشله

ماشفناهم بالصور,,,,,,,,,,

تـــــحــــــيـــــــــاتــــيــــ لـــــكـــ

هههههههههههههههه

والله انك فنان

ولله من اروع المواضيع الى شوفتها

تقبل تحياتى اخى


الشهاب

بعيــد الــهــقأأأأوي شــــــــاكر لك مرووووركـ






تحياتي لك

الشــهابـ شــأكر لك مرووركـ






تحياتي لك

يعني تركتي كل الكلامـ ومسكتي جغمه ؟ طبعا جغمه هذي كثير نسمعها ^_^



شـــــــــــاكر لك مرووورك نبضـــه






تــحياتي لك

يؤيؤيؤيؤيؤ
الماضووع يبغاله قعده ...

لي بآآآآآك للماضوووع ..
شكله ونآآآآًصه.....

أنا مدري ليه زمان يوم يتصوروا يحطوا أيديهم على خصورهم ..؟ قال يعني حركه .....

ودائماً مفهيين ....

أما الالعاب شــي كان قاهر الورعاان يستعرض عليهم المسااكين خخخخـ

والله القصه حلوووه ياليااهو وو مشكوور على نقلها

ساندريلا

ههههههههههههه


مشكور على القصه يعطيك الف الف عافيه


يرحم ايام الالعاب والله شي حقت مكه من زمن الدنيه موجوده للحين

اكيد الموضوع يحاكي واقع تعيشه ؟


ثانكــس ع المروور

شاكر لك مرورك تحياتي لك

شاكر لك مرورك الذيباني تحياتي لك