الشبكة العامة لقبائل الحويطات - المنبر الاعلامي و المرجع الرسمي المعتمد

لاتنتثر في طريقي... منت عنواني

لملم ملامحك واخجل لاتنثرها

وشلون يسمح حياك تغازل اشجاني

ماكن بي طعنةٍ مسموم خنجرها

وعدي نسيته.. وابيك اليوم تنساني

بديت رحلة.. لزوم تواصل اخرها

مانيب معطيك قلبي.. ثم تجفاني

ولانيب معطيك روحي..وانت قاهرها

القلب قلبي انا..ماهو لحد ثاني

والروح روحي .. وانا ماودي اخسرها

والفرق مابينك انت.. وبين عدواني

هم يظهرون الخناجر.. وانت تسترها

ياسيد الغيد..وانت الناعس الجاني

ياجمل من احلامي اللي صعب افسرها

لاتمتطي مهرة التوبة على شاني

انا بعد زلتك مدمي حوافرها

ولا تنتثر في طريقي.. مانت عنواني

ملامحك ذي قديمه.. ما اتذكرها