الشبكة العامة لقبائل الحويطات - المنبر الاعلامي و المرجع الرسمي المعتمد

رسمت لك في خوافي مهجتي صوره
= خـطـفـتـها من خيال الحلم في ذاتـي

وخليتها عن جميع الـنـاس محـظــوره
= محـدٍ يشـوفـك ويدري عنك شماتـي

أسـج معـهـا الـياسجـوا هـل الكـوره
= والـيـادلـه راعـي االبيلوت والشاتـي

طـلـعـّت صـورتـك والاشواق منثـوره
= ودخـلـت جـو الـغـرام بزين ضحكاتـي

عايشت واقعك لـوهـو على الصـوره
= بين الغلاا والـعـتـب بـااحـلا عباراتـي

واهديك ورد الغلا مـع فـايح عطـوره
= وأقول عطني مثل مااعطيك باقاتـي

أنـثـر ورود الـغــلا والنفـس مسـروره
= يامنية الـروح ياغـالــي طـمـوحاتـي

ماتدري انك مـرض قـلبي ودكتـوره
= بلسم جروحي وتعـذيـبـي وضيقاتـي

مـن وصلك الناس يالمحـبوب مقهوره
= وقطعة وصالك تـوردنــي متاهاتـي

أدخـل بحور الهوى وأتـيـه ببحـوره
= وأخاوي الياس في حـلي ورحلاتـي

اليادق هجس الهوى غنيـت مجروره
= تزهاك ياروح روحي عــذب الابياتي

وغنت معي وحدةٍ بالشعـر مامـوره
= تطـرب مـع الصـوت وتـردد سـلاماتـي

صورّت معنى غلاك وحكـم دستوره
= وانت الحكم بين حبي لك وشـرهاتـي