الشبكة العامة لقبائل الحويطات - المنبر الاعلامي و المرجع الرسمي المعتمد

وداعة الله
لـ الأبد .. و إنت معذور
............. أتعبت نفسي لـ الأسف في هجيرك

كنت أحسبك وافي .. ولا تشهد الزور
................ و كذبت يوم تقول : قلبي أسيرك

لا ترتجيني ..
رووووووح ..
ماني بـ مجبور
أربط مصيري بالهوى مع مصيرك ،

خلك حزين وخاطرك دوم مكسور
................. و الهم و الهوجاس حايس مريرك

مع السما بـ أطير .. ما عدت مأسور
................ من قال لك تامن مخاليب طيرك ؟

أول ..
تصدّرني عن العـد مقهور
ضامي ..
ولا وردَتــني حول بيرك

واليوم ..
شف كيف الليالي بك تدور
تضمى وصـالي و أتركك مع ضميرك

" الحب " دولـه ~
و " الوفا " فيه دستور ~
و خطاك حطيت " الخيـــانه " سفيرك ،

طاح القناع و بان ماكان مستور
................ و على العموم أسمع كلام ٍ ينيرك

[ مابك قصور ]
.. و [ وجهك أبيض ]
.......... .. و [ مشكور ]
أدميت قلبي .. كـثــّر الله خيرك ~

الجرح ينزف ..

بس

مقـدور
..... مقــدور
مصيري ألقى من يـداويه غيـرك ~