|
حآمد زيد :صح النوم
تعودنا على حمل الجمايل والزعل واللوم ولا نرفض عتب غالي ولا نزعل من جداله تمنينا حوز اغلى مكانه في وجيه القوم ونعيش الخوه بوقت يضد رجاله رجاله تعلمنا من الدنيا وزدنا للعلوم اعلوم وسقنا للدروب قلوب رجليه وخياله وقفنا للزمن وقفة شجاعه والقروم قروم الين ان صار واحدنا بديل اقواله افعاله الى منه خذا ياخذ مثل ماياخذ المحروم والي منه عطا يعطي ولو من لقمة اعياله ولا بتنا ولو باتت رحايلنا بدون عزوم نساوم للفخر بارضه ولو بأي من اشكاله ولا عفنا ولو شفنا على باب النهار سموم ولا خفنا ولو طفنا بمخراجه ومدخاله واذا شفنا عناقيد العنب فوق الشجر ملموم نهز غصون عنقوده واذا ماطاح نرقا له نصبر بعضنا بالكذب الابيض والهدف معدوم ونقول انا وصلنا له لو انا ما وصلنا له وانا واحد من اصغرهم طموح وللطموح رسوم على وجهي مثل قوله بغى شي ولا ناله عطيت ولا رضيت اخذ من سلوم البخيل سلوم ولا عمري رضيت اقعد على قلب العرب عاله ولا ارضى بالفخر فزعه وجواسيس وكلام رخوم ولا عمري حنيت الوجه بعد المجد لحثاله غناي الله وانا رجل عزيز مقدر محشوم قنوع بالقدر وان قلت فال الله ولا فاله بسيط يرمي حموله على متن الجبال هموم بوقت الاسف عيت تطيق همومه جباله بوقت نزل خشوم ورفع من رداه خشوم وخلي قيمة الرجال بين الناس برياله صحيت وقلت للنايم بعد ماقام صح النوم زمانك ماعطاك إلا صور وحطام تمثاله سنين اطالع البارق وقول ان المطر محتوم وهو ما مد لي كفه وانا ما طلت هماله أرد اكذب على نفسي واقول ان النخل مفطوم وهو ما بالنخل عذقي عطش ماذاق شلاله وانا مابي من البارق هماليل ومطر وغيوم ولو ذقت العطش بعيون طرقية ورحاله تعلمت الصبر من كنت طفلي بالمهد مزموم إلين ان صرت رجل لا أنتخوا به طوح اعقاله وانا ما احلف بعد عمر طويل بدفنتة المرحوم بقول الله ولا غير الله الرحمن نلجاله ومثل ما بالمطر خوه الي من اهل كوم وكوم انا قلبي بعد يقدر يدك البيد بلحاله واذا اسمي واصل الدنيا قبل لا القى الحياه بيوم ابتكرها وانا اسمي يضرب التاريخ بامثاله واذا ربعي وهم ربعي تناسوا حقي المهضوم بعيش اشره على قلبي قبل ارثي على حاله واذا كفي طعن كفي برأس الخنجر المسموم بعرف ان النصيب اقرب من الرجال لظلاله مدام ان الزمن خلا الشجاع بوقتنا مهزوم اجل خلو ضعيف النفس يقصر شرة اشواله |
رد: حآمد زيد :صح النوم
حامد زيد مآخذ حقه اليوم من شبكتنا
من التمثال إلى صح النوم وأنت شاعرنا المرموق أحلى صح النوم لعيونك الحلوين خبير الأذواق الباريسية تشكراتي على هذا النقل المميز |
رد: حآمد زيد :صح النوم
واذا كفي طعن كفي برأس الخنجر المسموم
بعرف ان النصيب اقرب من الرجال لظلاله مدام ان الزمن خلا الشجاع بوقتنا مهزوم اجل خلو ضعيف النفس يقصر شرة اشواله شكرآآآآآآآآآآ شاعرنا المبدع نديم انت دائمآ مبدع لك كل التقدير والاحترام |
رد: حآمد زيد :صح النوم
ولا عمري رضيت اقعد على قلب العرب عاله
ولا ارضى بالفخر فزعه وجواسيس وكلام رخوم ولا عمري حنيت الوجه بعد المجد لحثاله غناي الله وانا رجل عزيز مقدر محشوم وصح لسان شاعرنا وسلم يد ناقلها |
رد: حآمد زيد :صح النوم
صح لسانك ابو زيد
وسلمت يدك ابو احمد [MEDIA]http://www.youtube.com/v/-XVEuNzmmEg&hl=en_US&fs=1&rel=0[/MEDIA] |
رد: حآمد زيد :صح النوم
اختيار رائع لرائعه من روائع حامد زيد صح الله السانه وتسلم يمناك ابو احمد لاهنت |
رد: حآمد زيد :صح النوم
أشكر مروركم جميعا
واعتذر -الريح غربي اليوم جعلي ماأفقدكم |
رد: حآمد زيد :صح النوم
[
وانا واحد من اصغرهم طموح وللطموح رسوم على وجهي مثل قوله بغى شي ولا ناله عطيت ولا رضيت اخذ من سلوم البخيل سلوم ولا عمري رضيت اقعد على قلب العرب عاله يسلموووو خيو ع القصيده الرائعه ومشكور يا شاعرناااااا |
رد: حآمد زيد :صح النوم
اشكرك مخاوية الذيب
حام زيد آآآآآآآآآآآآآآآآآآه للحين الريح غربي والحظ مشرق |
| الساعة الآن 10:42 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL