|
ياكبر القهر لا صار مابليد حيله
آآه يا كبرالقهر لا صار ما باليد حيله..
والجروح من( القرايب) والخطا مني وفيني !! ان نويت اشفي غليلي ما لقيت اية وسيله .. كيف ابلقى دام جرحي سبته طعنه يميني؟! وان نوت تبكي عيوني صارت( الدمعه ) بخيله!! كبرها لامن تجمع هم قلبي وهم عيني.. ياهموماً بي تعدت حدها صارت ثقيله .. اخذي مني كم سؤال ولو سمحتي جاوبيني.. ليه من بعد ( الوفا والطيب ) وفعولاً جليله .. من يدين اللي حشمته اول طعوني تجيني؟؟ وليه لاضاق الفضا في عين من خانه دخيله .. مالقيت الا ( الملامه ) انتهيها وتبديني؟! ياهمومي ياجروحي يا صدى الروح العليله .. والله ان الظلم قهره قيّد لساني ويديني !! يوم قيل ناظر حسودك زاد في قوله وقيله .. ما طرالي غير قولت آآآخ يا دنيا ارحميني.. ان تكلمت وحكيت وجبت برهاني ودليله .. ما تضرر كود منهو قد لفاني منتخيني !! وان سكت وقلت هانت هم وسنيني تزيله .. اكتشفت ان ( السنين ) تزول والهم محتويني!! بس لجل اللي انتخى في جد جدي والقبيله .. والله اني لاشرب المر واتحمل ما يجيني.. ودام ما بالكون ( صدراً ) ارتمي به واشتكيله .. ودام مابه عين تقرى حزني اللي مبتليني!! ما لي الا بيت شعراً اذكره في كل ليله .. لا انتهى جدال المعاتب بين قلبي وبين عيني.. |
رد: ياكبر القهر لا صار مابليد حيله
[align=center]ودام ما بالكون ( صدراً ) ارتمي به واشتكيله ..
ودام مابه عين تقرى حزني اللي مبتليني!! ما لي الا بيت شعراً اذكره في كل ليله .. لا انتهى جدال المعاتب بين قلبي وبين عيني. مخاويه الذيب تعودنا على ابداعك وش ودي اقول غيرها الله يعطيك الصحه والعافيه دمــــــــــــتي بــــــــــــــود خيتو[/align] |
رد: ياكبر القهر لا صار مابليد حيله
وش ودي اقول غيرها الله يعطيك الصحه والعافيه دمــــــــــــتي بــــــــــــــود خيتو[/align] الله يعافيك خيتو الف شكر ع مرورك الكريم [/QUOTE] |
رد: ياكبر القهر لا صار مابليد حيله
تسلمي خيتو
قصيدة رائعة بروعة حضورك ِ دمت ِ بود الذيب |
| الساعة الآن 02:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL