بر الوالدين
 

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سميت بالرحمن في نظم الابيات = ابيات في موضوع به ماوفينا
ذكرى لمن ينسى حقوقٍ قويات = ذكرى والذكرى تنفع المؤمنينا
ياهيه ياللي دالهن بالملذات = انهض وصح النوم خلك فطينا
امك وابوك اليوم قالو سلامات = عساه طيب وش حصل مايجينا
قلت العمل والبيت فيها التزامات = واشغال بالدنيا يسار ويمينا
قالو ماهو معقول مافيه فظوات = ليكون مع كثر المشاغل نسينا
قله قبل تبعد عليه المسافات = قله يجي ويشوف وش صار فينا
عقب الوناسة والطرب والمسرات = اليوم صرنا اثنين رحنا وجينا
قلت ابشرو ابلغه بالرسالات = هاذي رسالتهم عسى الله يعينا
حاولت ادور عذر لكن هيهات = كيف اتعذر عنه دنيا ودينا
الوالدين الهم حقوقٍ كثيرات = واكرامهم والله واجب علينا
ربي قضى من فوق سبع السموات = عبادته واحسان بالوالدينا
مذكور بالقرآن تفصيل الآيات = وأوصى عليهم سيد المرسلينا
لهم علينا فضل في كل الاوقات = منذ ولادتنا وحتى نشينا
ياما عطونا بالليالي العسيرات = وتعبوا علينا يوم شهب السنينا
يوم التعب والكد وقت المجاعات = واليوم في نعمة لها مادرينا
لازم نعوضهم ولو بعض مافات = ونبرهم دايم ابد ما حيينا
واهم شي بتالي العمر بالذات = تزيد حاجتهم لنا كل حينا
تجي لهم في تالي العمر شدات = ان ماوقفنا جنبهم وانحنينا
حقوقهم ما تنحصر ضمن الابيات = من دون وصف اكيد عنها قرينا
يالله ياعالم جميع الخفيات = يارب تعطينا رضى والدينا
وصلو على اللي وضح الحق باثبات = رسول ربي خاتم المرسلينا
[/poem]

رد: بر الوالدين
 

ابــوخــالد الحويطـــي
انت هنـــا تجبرني على الوقوف احترامــا لمشاعرك
الصادقه ...........بارك الله فيـــــــــــك

تحياتي
تناهيد الزمن

رد: بر الوالدين
 

مشكورة اختي تناهيد على المرور انا لم اقم سوى بالنقل هذا الابداع

والمشاعر الصادقة هي للشاعر احمد عيد الطقطقي(ابو ابراهيم)

رد: بر الوالدين
 

اخي ابو خالد اشكرك واشكر شاعرنا احمد عيد الطقطقي على تذكيره بحقوق الوالدين في صورة شعرية جميله ومؤثره وتقبل تحياتي

رد: بر الوالدين
 

رد: بر الوالدين
 

ابــوخــالد الحويطـــي
بارك الله فيـــــــــــك

رد: بر الوالدين
 

السلام عليكم ورحمه الله وبركاته

صح السانك اخوي اجمد على القصيده الجميله وبارك الله بيك اخوك عمر الطقطقي

رد: بر الوالدين
 

اشكر كل من علق على الموضوع وكل من شاهد القصيده الله يوفقكم والله يوفقنا
مع اطيب تحياتي للجميع