فاشل ولا يسوى عقال بعير
 

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عندي لابن عمي مقام كبير=دامه على عرش الرجال امير
واليا تردّى وشفت منه عواجة ٍ=انصحه قدر المستطاع واسير
ولا اعتزيبه دام هو معتزابيا=واعطيه فرصه يا عساه ينير
اما كبرت بطيب خُلقي وحكمتي=ولىّ اجي بين الرجال صغير
بعض الرجال يقول ولا يدرك الفعل=واليا سمعته قلت اكيد خطير
ان كنت في عرف الرجاجيل مبتحل=قال المثل اعط السؤال خبير
خطوى الولد لا من بغاها يجيبها=كيف ومتى؟ اللي يبيه يصير
وخطوى الولد لا من بغاها سهالة ٍ=تلقاه في صف الرجال اخير
امحق معنده كان ماعند جدتي=فاشل ولا يسوى عقال بعير
اغسل يدينك منه ما يغسل الردى=لو هو ورد عد ٍ وجال غدير
اللي يجي بالسهل بيروح بالسهل=والكايده ما هيب درب يسير
اقنع قناعه الغيم ما يحجب السما=لكل بير ارشاه لوانْه يغير
وبعض الرجال ونعم تكفيك وقفته=اهديب شام وللقروم سفير
اقلها يرد روحك بفزعته=لو انْه ما يملك حلال كثير
ياليت عندي واجد ٍ من مثايله=وياليت لي مال ويكون خشير
واليوم كسب الرجل في قيد عيلته=ماله ومال الخلق طويل قصير
لا صار مفلى ويركع الذيب للثعل=الواسطه تبقى سلاح مدير
يموت كلب ويبعث الله مكلبه=اكلابة السفره كلاب وزير
الناس همّ الناس في كل مجتمع=فيهم عمي راي ٍ وفيه بصير
ينّك تجيب العلم وتدسم الشنب=ولىّ تخلي هالطيور تطير[/poem]

رد: فاشل ولا يسوى عقال بعير
 

صح لسانك أخوي
لاهنت على هالابايات الرائعه والله يعطيك العافيه

رد: فاشل ولا يسوى عقال بعير
 

شاعرنااالمبدع عناد الرواد

تغيب وتاتي بالجزل

لاعدمنا هذا الحظور الجميل

طرق مميز لايجيده الاالمتمكن

لك احلى التحاياا

رد: فاشل ولا يسوى عقال بعير
 

جميله هذه القصيده والأجمل هو البحر القديم الذي كتبت عليه 000

شكرا اخي الكريم عنااد

رد: فاشل ولا يسوى عقال بعير
 

من طول الغيبات ؟

حتى وضعنآك في أوائل المطلوبين للشبكه

والله زمان عن قصيدك يالبناخي

آخر الغيبات ياغالي

رد: فاشل ولا يسوى عقال بعير
 

شكرا للمرور

تحياتي للحميع........................

رد: فاشل ولا يسوى عقال بعير
 

صح لسانك وعلى شانك شاعرناالمبدع