المدح يزهى بالرجال المناعير..
 

[poem=font=",6,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
المدح يزهى بالرجال المناعير=والنذل يزهاله على الراس هاوي
الحر مسكانه بعالي المواكير=والبوم في جحره خايس وثاوي
الحي يحيي امةٍ مابها خير=والميت ماعمره يزبن جلاوي[/poem]




غريبه والغريبه والغرايب
اذاقالوا ترى الشيطان تايب

قليل الدين شباك الرفاقه
حبايل حاكها بين الصحايب

لاشاف اثنين والله ماتريح
يودود بينهم جم الشوايب

يفرق مايجمع طول عمره
خبيث الطبع عاداته عقايب

مريض القلب يسعى للعداوه
خرايب جعل داره هي خرايب

يتابع مشيتك لاكنت مقفي
لعل بزلتك يكسب كسايب

فهذا ما ابي شوفه بتاتاَ
غيابه عن عيوني هي طرايب

ابي لي خوة رجالٍ نشاما
اذا مالدهر جود بالنوايب

رويسات ونعم فيكم قليله
عيال حسين حلال الصعايب

سلام الله سلام الله عليكم
عدد ماساقت الغربي هبايب

سلامٍ احمله شوق وتحايا
على ابوحسين فكاك النشايب

اذا دارت واذا جالت وماجت
زعيمٍ مايحسب للحسايب

كريمٍ اجودي ريفٍ لضيفه
بشوش اقبال جعله دوم طايب

ومن بعده اعرج ع الفلاحي
وريث الحر هداته عطايب

امير بكلمته والقلب ابيض
يبيع الروح حزات النهايب

لكم مني تحيه فالنهايه
تحيه طاولت روس الهضايب

وصلى الله على محمد رسوله
شفيع الناس لاعرضت كتايب

رد: المدح يبقى للرجال المناعير..
 

اللهم صلي وسلم على سيدنا محمد وعلى آلهِ وصحبة اجمعين

صح لسانك اخوي

مطلق العي

على هذه الرائعة

ونعم بك وبكل من ورد اسمة بهذهِ الشامخة


تحياتي

رد: المدح يبقى للرجال المناعير..
 

رد: المدح يبقى للرجال المناعير..
 

اللهم صلي وسلم على سيدنا محمد وعلى آلهِ وصحبه اجمعين

يا سلام عليك يامطلق
راقت لي كثير

صح لسانك مدد

تحياتي

رد: المدح يبقى للرجال المناعير..
 

اللهم صلي وسلم علي سيدنا محمد وعلى اله وصحبه اجمعين صح لسانك قصيده جزله من شاعر جزل فآآآآآآآآلك الجنه

رد: المدح يبقى للرجال المناعير..
 

عبدالله الموسي

صح بدنك ياغالي

ولاهنت على الرد والاطراء

مانستغني يالطيب

تحياتي لك

رد: المدح يبقى للرجال المناعير..
 

ابوريان

هلا فيك وصح بدنك ومرورك وتعليقك شرف لي

لاهنت على الرد

تحياتي لك

رد: المدح يزهى بالرجال المناعير..
 

احسنت لاهنت قول وافي من وافي دام بوحك الراقي ودمت بخير

رد: المدح يزهى بالرجال المناعير..